sábado

Língu Maquista

188 comentários:

Filipe disse...

Nhónha nhónha co nhum nhum, Siára Sium, Filipe já vêm contá su vida.

Agora vosotro falá sã savám, mufinaze ou cuza sã.
Iou sentí qui sã divéra grándi savám co diabo barralhá cárta juntado, já começá Abril de istunga àno, iou pegá na iou sa careta qui vai di siviço pa casa, já dá um choncalão na vanda tráz di carro di um sium qui justo passá ali vanda pa jugá bola.
Di tudo laia di azar juntado co diabo a fazê xiste saî unchinho assí tánto di sorti, nádi matá genti, nadi bota gente na hospital, sómente quebrá ancuza di carro di genti e iou sa popó.
Sium qui iou chonca sã genti di bem, iou nádi sábi cuza fazê, iou nunca fazê asnéra tão grándi grándi na iou sa vida, sium falá pa iou, ne bom chomá puliça "nimguém se feriu" sómente assiná papel de seguro e intregá chega, logo falá azinha já fazê, seguro logo tudo pagá pa sium co iou.
Istunga asnéra qui iou já fazê custa cinco mil euro fora.
Mufinaze sã nádi cabá, um mês fora iou sa careta já volta pa casa co iou quasi novo, ui di janota, janota qui non pôde más, três dia fora, dimónio di ladrám já abri iou sa pópó, leva um foco velo qui nom presta, um cinzeiro fichado com unchinho di sapeca novo que chomá euro. gavatá tudo ancuza como galinha , capam e galo dôdo já fazê.
Puliça intrá careta bispa tudo vánda nádi ola ancuza quebrado e vanda fóra nádi acontecê ancuza quebrado sã rouba ancuz qui non tem valor.
Logo más sucedê, iou já pedi andá licença Julho pa vai paxá países Bálticos, juntado com beata beata de greza, ai já sentí sorti tá vêm ia, já tem licença pode vai paxá qui bom na, diabo! quelora tudo gente falá vai, sómente isquecê di unga ancusa que chomá "crise", azinha metade gente fóra falá nom podi vaî, nom têm sapeca
Iou j'ola águ bacalau, iou co licença andado, tour nádi andá não têm pa vai, aia algum mana mano tem erva savám? dá unchinho pa iou toma banho, lavá savám iou senti qui águ benta já nom tem força ia.
Nádi cavá inda, más savám vêm, dexa fala co vosotro nunga outro dia, hoze sã tánto de mais ia
Filipe

Anónimo disse...

P'ra: Sium Filipe (29/6/09)

Iou lê vosso istória e senti qui sayang... 5 nota grandi-grandi nunca sã p'ra brincadera... já podi compra ui-di tanto ancusa.
Vosotro teng arvre di "Pu-luk" na Saiyeong? Nosotro tamemg choma ele di "toranja". Festa de Bolo Bate-pau logo teng Pu-luk p’ra come.
Iou sempre ouvi dizê qui Pu-luk sa folha podi desavandâ Savám!
Vai busca unga bonito ramo, co toda folha-folha intero (nunca bom querê folha chubido ou mordiscado); enche unga bacia de água fresca. Cavá senta nunga cadera, cruza braço de peto, manda siara mergulha ramo na bacia de água e sacudi ramo na cabeça, ombro direto e ombro esquerdo, ao mesmo tempo que grita: "Savám, sai p'fora e vai-ti embora!".
Istunga sã remédio santo!
Vos certamente nadi acredita, mas já acontecê co iou! Nunca sã estória igual, mas...
Unga dia iou volta p'ra casa, iou-sa siara, contenti qui non podi más, conta p'ra iou... "Iou já ganha mark six, 3o. prémio... 7 nota grandi...".
Ah! Iou fica boca-aberto quasi cai queixada!
Nosostro já compra mark six mais de 15 anos e nunca ganha nem unga dope...
Iou senti contenti mas tamem saiyang... "Porque nadi sai p'ra iou?".
Dia seguinte, iou vai repartição e conta p'ra unga bom amigo... Ele fala: "Non cassa fica co inveja. Iou posso dá sorti p'ra vôs. Istunga manhã iou já passa por unga jardim já arranca istunga lindo ramo de "Po-luk". Espera unchinho... ele vai para quartinho, enche água na bacia, mergulha ramo e volta p'ra iou: "Iou dá sorti p'ra vos!" ele fala e paga nestunga ramo sacudi água na iou-sa cabeça, ombro direito e esquerdo.
Iou, claro que nunca acredita... mas, nestunga noite, iou vai jogar slot machines - quelora funcionário só podi joga slots na primeiro andar de Jai Alai... cada puxadela sã cinquenta avos, lembra nunca? - e vos sabi qui cusa já acontece?
Iou ganha segundo maior Jack Pot!
7 nota grandi!
Sã coincidência? sã diveras sorti?
iou non sabi, mas certo é que já ganha istunga Jack Pot!

Abraço,
Chan Mong Kât de Julho.

zinha disse...

Uvi genti:

Qui bon vosotro ta botâ unga canto pa nos papia na lingu maquista!
Filipe - iou uidi saiang uvi vos san divera azarado ... más bon vai rezâ Sto Antonio pedi unga siara pa fazê istunga caldo de pu-luk ..
sã verdadi pódi limpa savám.
Disculpâ iou nádi iscrevê tanto tempo .. iou-sa fila Maio jâ casâ, nosotro tudo corre basso corre cima tanto ancuza pa fazê até vangueâ cabeça. Quelora pensa botâ iscrita tem genti chamâ pa pandegâ.
Ucho-ucho uidi grandi,
Zinha

si-siu-ché disse...

Qui bom ja nascê istunga canto-canto pa botâ iscrita Patois... uví genti, nos sa tem qui acudí pa Filipe... vosotro logo lembrá acunga istória di Sete-folha pa limpâ saván? iou lembrâ iou-sa avó-macho (lado di pai) chegâ 3 horas di tarde na más, ta vai jardim arrancâ 7-folha, lava bem feto, cáva comê asi crú... ela falâ sang pa tirâ saván... tem 1-alecrim, 2-manjericao, 3-hortelã?... qui mais? quim sabi, vem bota iscrita ia... uchoooooo...

si-siu-ché disse...

ai-yaaa... ja isquecê unga ancuza... avó-femea sang di lado di mae... uchinho

GinaB disse...

Ai-iiiaaá! Iou querê memo ajudâ Felipe, máz nom sábi como.
Cuidado co mizinha-vento e mizinha-saván. Nunca bom inventâ, si nom …… virâ fetiço contra feticeiro.
Máz bom rezâ pa vos-sa anjo di guarda pa protegê vos.
Filipe: Na festa di sábado nom esquecê qui Fei-Châi di Chelas vai passeâ Av. Gago Coutinho e chôlê malta qui nom grama, quebra vidro di pó-pó tamém. Vos já tem experiência, ta lembrâ? Corazi.
Uví,nebom esquecê di chapâ fotografia e levâ tripé tamêm pa festa.
Uchos-uchos
GinaB

MiguelSF disse...

Uví Chan Mong Kat...

Aqui na Macau, nom sábi undi ta vai disencantâ unga árve di "Pu luk" na. Arve-árve di agora sâm quelê magro co pichóti. Guverno falâ né-bom plantâ assi grosso-grosso, como árve di S. José. Si nunca, ele-sa raiz sâm logo furâ chám. Cimento tamém nádi aguenta-na. Lembrá acunga quanto árve-árve di Praia Grandi co Horta Costa? Por isso sâm tem qui inventâ otro ancusa pa dâ sórti.

Miguel

Anónimo disse...

Ah! Jovi Chong-Si Miguel...
Como vos tá vai? Tanto trabalho, sã nunca? mêmo assi, vos teng tempo p'ra fazê nosotro tudo ri até chiri...
Bom... acunga istória de ramo de "Pu luk" nunca sã peta. Verdadi iou já ganha jackpot, cavá iou convida acunga amigo p'ra janta Tapenyaki na Hotel Lisboa...
Se ele lê istunga blog ele logo lembra.
Iou lembra, quelora iou pichote qui pichote, iou-se mãe fala "Pu luk yip" sã bom p'ra desavanda savam... ela até chuchu unga ramo na ombrera da porta p'ra nadi deixa entra vento sujo, ahahahah.
Macau sã assi-ja... vos acredita, podi acontecer... nadi acredita tamem ninguém vai dale vos, sã nunca? Nosso Macau sã aberto p'ra tudo... como exemplo: Vos passea na Tap Seac, certamente logo fica cercado por dois jovi estrangero da seita de Mormons qui quere "salva vosso alma"... tudo hora chatear meio mundo. Unga dia elotro cerca iou... "Ah, nosotro querê ajuda vos encontra caminho para Céu!"...
"Ah é?"... eu respondê... "então vos sabi onde fica "Associaçang di Macaenses di Macau"?
"Disculpa, nos fresco-fresco chega Macau, ainda nunca conhece cidade muito bem-na"...
"Então, se vosotro nem sabi indica caminha na cidade tão pichote, como vosotro logo ajuda iou encontra caminho p'ra Céu?!? Vosotro pensa iou sã alonso?!? Vai comê jagra!”
Olotro fica vermelho como chili-missó, vira costa vai embora...
Nosotro na Macau sabi aqui tanto genti vende peixe, mas qui logo fazê?
Deixa vai-na...
Chan Mong Kât di Julho

MiguelSF disse...

Chan Mong Kat,

Vôs divéra capaz mandâ ilotro dôs mormon vai comê jagra. Iou tamém lembâ unga istória parecido.
Unga dia, tem quanto ano-ano fóra, na vánda di Largo di Senado. Mês di Júlio, perto-perto méo-dia, calor qui nom podi-más, ramendâ inferno jâ chuchú chám querê vem fora.
Iou já dá di cára co dôs nhu-nhum. Unga tacada sábi qui nom sâm genti di Macau. Loiro, olo azul, pele lichim, bem di branco. Camisa branco, gravata co calça preto. Mórmon americano chapado!
Mas, quelóra abrí bóca, chiscate, falâ cantonense qui bem fêto. Iou qui di estonteado co estunga surpresa, rispondê na inglês. Acunga dôs mofino, tornâ papiâ china, priguntâ co iou "Nei hou ma". Iou suado como pêsse cabuz, azinha falâ "May I help you? Very hot today". Acunga dôs nunca largâ cantonense, continuâ papiá lingu china.
Ilotro priguntâ si iou sábi qui cuza sâm palavra di Diós. Vôs já olâ seléa parabiça, iscolê acunga óra di tanto calor pa falâ di Diós?!
Iou somente rispondê, "iou nom tem tempo".
Sacrista, acunga dôs ripostâ "unga bom cristám tem tempo pa palavra di Diós". Ai, básta-ia. Pacéncia sám ancusa que logo falta quelóra calor tá sufocâ, sâm nunca? Iou vontadi zinguâ dáli, mas azinha respirâ fundo acalmâ onçom. Iou falâ pa ilotro:
"Palavra di Diós, iou somente sábi unchinho. Unga ancusa qui Díós ensinâ, sâm uví palavra di iou-sa pai. Vosotro sábi qui ancusa iou-sa pai já ensinâ?". Ilotro virâ cabéça falâ nom sábi.
Iou continuâ: "Pai falâ, quelóra tem genti assi patarata querê bulí co vos-sa cabeça, na méo di calor di Verám di Júlio na Largo di Senado, mandâ ilotro chupâ ovo!"

Sâm assi-ia!

Miguel

Anónimo disse...

Iou nom sabi iscrevê patois, mas querê colaborâ.
Pedi amiga fazê traduçam di poeta copiado, e recebê esta resposta ia:
Patois é um dialecto antiquérrimo!!!
Era língua de gente simplória que raramente falava assim...
ISTUNGA ISCRITA METÊ IOU-SA CABEÇA VANGUEÁ, IOU TÁ VAI FICÁ FERRADO.
(Vou tornâ insisti na colaboraçam)

Anónimo disse...

Sã iou Filipe qui tem qui outra vez
Iou vem agradecê vosôtro qui já pensá tudo ancuza pa cudi pa iou sa savám, um obrigado ao Sium Cham Mong Kat, Zinha, Sí-Siu-Ché e Virgínia.
Uví Cham Mon Kat, toranja e pulok sã dois fruta nunca sã mesma acuza.
Portugal tem pulok pa vendê na loja china, sómente tem pulok qui non têm fólia, outro problema logo aparecê, iou non têm siára, únde vai arranja gente sacudi águ di pulok pa iou pa desavanâ.
Ai, Zinha vos ola, nom tem países Bálticos vai paxá nádi sã problema , vai olá greza doutra vanda di Europa, si non pode vai, vai ola greza di Lisboa iou pensá qui sâ mema ancuza.
Iou já ramendá turista, onçôm vai pa Lisboa, tira chapa, intrá tudo greza qui já incontrá pa ola.
Cáva saî di Sé Catedral di Lisboa, logo ola qui sorte, inconrá di lado quase pegado Igreja di Santo António.
Azinha intrá, reza unchinho assi tánto, bispa pa tudo lado e ancuza, já olá Sánto na altar di frenti, batê chapa pa recordaçám, justo querê vaî, siára di bom coraçám chomá pa iou, papiá pa iou qu ali vanda pôde intrá, sã quarto di Sánto, iou logo agradecê e azinha intrá, já reza mais unchinho, pedí Sánto dá unga siára pa iou, mais unchinho di tempo iou bispa pa Sánto, Ele nádi respondê, tamêm nunca gonchom gonchom cabéça sim não, iou lôgo sentí pódi ispéra ia.
Quelemodo únde tem gente sacudí água de pulok pa iou.
Sí-Siu-Ché qui tentá cudí pa iou sómente non pôde lembrá cusa su avô-mãi e avô-pai já busca pa tirá savám.
Virgínia, nádi susto co Fei Châi di Chelas, si vem paxá na porta di nossa casa vem, dessá, si vem co mal, azar sã pa ele somente, nosôtro tudo nádi susto, vai fora pegá na istunga istoporado, zinguá dáli, tudo homi homi pegá dali, cutí, siára siára pegá iscabelá, chiqui chubí bem fêto tudo vanda, áia pódi chomá 112 ia, logo sos chegá si pirguntá cuza sã istunga posta nali vanda, sábi cuza já sucedê?
Lémbrá gente tudo tem que repondi qui sábi nã.
Ideia di Virginia sã bom, sã católico, já lembrá di Diós nosso Eterno Pápi, qui já dá Guarda pa nosotro tudo, são más bom reza pa Anjo di Guarda pedi su protecção e cudí pa nos, iou sentí sã más bom azinha corrê vai greza sendê pivete cera reza pa sacudi savám.
Quanto áno fora iou já istudá psicologia, genti co azar ou co doença grávi
chega perto di hora sempre lembrá do Pápi Eterno pa cudí,nunca sã istunã caso.
Novo azar logo vem sã condomínio, istunga dessá contá pa outra vez.

Xi coração genti
Filipe

Anónimo disse...

Qui nova vosôtro tudo? Ta bom?

Uví Filipe, já qui nôm pôde ácha fólia di Pu-Luk, vôs pôde usá sumo di Pu-Luk ou Luk-Yau ou Sá-Tim-Yau pa tóma banho pa tirâ tudo savám di corpo. Pssst, bom pa tirâ cará tamém! Vai pa portal di www.paramountcitrus.com dâ unga óladela. Elôtro tem um cento di laia di sumo pa vendê.
Luk-Yau (uví... ne bom pronunciâ erado pa Lo-Yau ah,) na lingu Português sâm:- POMELO. Na lingu Maquista sâm:- JAMBUA.

Pa Si-Siu-Ché: Uví chistosa ché-ché, ondi vôs já vai gáfinhâ estunga Avó-Macho co Avó-Fêmea vêm fora? Aiiiii-yaaaaa, credo, na lingu maquista nôm têm semelhante ancuza na. Basta usâ Avô/Avó. Vai sosegâ na, Macho-Fêmea sâm pa aninal. Exemplo: Camelo macho, camelo fêmea. Uví ché-ché amor, ne bom réva, iou tómã pa paródia sómente. Desculpâ estunga estranho di vôs, ah!
Lembrança pa tudo!
Abraços,
Oh Pei Oh Kam Kât

Fála sâm ia!

Anónimo disse...

Sium Filipe:

Ayaaa! Vos disculpa. Iou nunca quere goza co vos. Iou sã diveras querê ajuda e vem co istunga ideia que iou ja aprende co iou-sa Mãe. Iou non sabi vos sã soltero e iou somente regressa p’ra istunga sítio (blog) recentemente. Mas, nunca bom fica triste... iou sabe qui tanto nhonha-nonha di PCB logo fica contenti sacudi água de Pu-luk na vos. Pu-luk todo macaísta conhece... iou falá Toranja só p’ra ngau-sok perceber, olha nunca? Iou nunca tira canudo nistunga matéria, mas dicionário mostra:

toranja
nome feminino
1. BOTÂNICA citrino com casca grossa amarelada, globoso, sumarento e pouco doce
2. BOTÂNICA pequena árvore, afim das laranjeiras mas pouco cultivada em Portugal, com grandes folhas ovais e ramos delgados com espinhos
(Do pers. turanj, «id.», pelo ár. turunja, «id.»)

Mas, p’ra nadi confudi, nosotro fala: Toranja China, podi non podi?

Bom Filipe... ouvi vos fala tanto Diós qui iou fica comovido... tudo macaisca sã genti muito devoto. Mas, iou... infelizmente... nunca acredita muito. Se diveras teng Diós, Ele nunca sã como padre-padre ensina nosotro... iou ainda nunca chega compreende-na... E iou, já na categoria de sexagenário e senti pé-na-cova, pé-na-cháng (como nosotro-sa Mestre Adé fala), non quero vai p’ra Jardim das Tabuletas ainda nistunga mistério.
Quim querer discuti co iou, iou ui-di contenti... até hoji, ninguém consegui faze iou muda de ideia.
Abraço p'ra vos.

Jovi Chong-si Miguel:

Ah! Tanto moradia-moradia na nosso Macau já transforma em bloco di cimento, hoze sã diveras difícil encontra árvre de fruto ia. Lembra quilora nacunga zona de Pak Wai, fica tanto moradia jistoso qui jistoso, facilmente logo encontra istunga arvre... Iou lembra tamém qui dentro di Kum Yam Mui tinha unga arvre de Pu-Luk ui-di grandi... deixa iou vai procura.
Fala de Mormons... olotro diveras sã “Pain in the ass”... mas agora olotro olha iou, fingi nunca conhecê, ahahaha!.
Iou ola olotro iou sorri e murmura “suit yourselves, olodecos!”...
Abraço,

Chan Mong Kat de Julho

Anónimo disse...

Sium letrado Miguelito:

Qui fui usâ Toranja China!
Próprio nómi na lingu maquista pa Sá Tim Yau, Pu Luk, Luk Yau sãm:- JAMBUA.

Unga abraço,
Oh Pei Oh Kam Kât

Fála sâm ia!

P.S. Uví Miguel, ne bom usa nómi Chong-Si...estunga nómi na lingu di Tói Sán uidí fêo uví.

MiguelSF disse...

Uví, Oh Pei Oh Kam Kat.

Aia, qui ramêde, qui-fui acusâ na iou? Más bom s6am vôs lê bem-feto-ia. Nom sâm iou qui falâ di "Toranja China". Iou sábi qui cusa sâm Jambúa.

Tamém nom sâm iou qui usa nómi "Chóng Si", sâm Chan Mong Kat qui chomâ iou di estunga modo! Quelóra iou botâ pena na estunga blog iou sempre assinâ co MiguelSF, nádi usâ otro boboriça.

Uví, fálá di nómi... tamém né bom usâ nómi Oh-Pei-Oh-Kam-Kat. Ramendâ tira-pum, tem chirifada querê vai quartinho...! haha

Unga abraço di muto amizadi!

Miguel

Anónimo disse...

Amigo Miguel:

Aya! Qui ramede… iou pensa, hoze, dia tristonho na Macau… com chuva e tanto calor, melhor sã fica em casa. Assi, iou vai na iou computador, entra nistunga blog p’ra lembra unchinho di nosotro-sa costume di antigo, papia unchingo babuzera p’ra fazer genti ri e, pronto, passá mais unga dia na paz e sossego...
Non sabia que assi tamém podi fica ferrado!
Uvi, Miguel... Chan Mong Kat de Julho sã vosso amigo. Cada genti papia babuzera qui quer ou tem lata p’ra faze, nunca sã? Mas, iou garanti... choma vos de Chong-si nunca sã fazê poco ou qui cuza maz... vos teng todo iou-sa consideraçang, amizade e estima!
Quando iou encontra co vôs, iou logo vai identifica.
Chan Mong Kat de Julho já falá e ponto final.

Anónimo disse...

Bom dia sium Miguel:

Antigamente na Macau, teatro damostra filme china di Wong Fei Hung, Ma Lau Chêng, Chan Mong Kât etc., etc. Quando acabâ cinema iou na rua uví atai china rimâ:
Chan Mong Kât, Oh Pei Oh Kam Kât. Pa lembra di tempo antigo, sâm assi qui iou assinâ estunga nómi pa éla pê di Chan Mong Kât, já óla.

Unga abraço forti pa vôs,

Oh Pei Oh Kam Kât

Fála sãm ia!

MiguelSF disse...

Chan Mong Kat, Oh-Pei-Oh-Kam-Kât.

Sossegâ-na. Iou nunca réva co ancusa qui vosotro dôs tá botâ na estunga blog. Iou ta ri qui chiri-sa! Masquí iou nom sábi vosotro dôs sâm quim (mofino, divera!), iou sintí qui vosotro somente tá brinca co iou.

Nôs tudo tem aqui di boa-fé pa iscrevê maquista, papiâ un-cento di boboriça pa tudo genti ri, sâm nunca? Por-isso, quim pódi ficâ réva? Iou nunca cavaquista, misquinho. Iou crê qui genti tem aqui sâm pramor di nosso língu, ná-más.

Vosotro j'olâ, nos tem genti capadóci pa iscrevê. Qui-fui nos nádi juntâ rancho pa iscrevê unga istória? Cadunga iscrevê unchinho, unga começa, unga continuâ, otro acabâ?

Sâm assi-ia

Miguel

Anónimo disse...

Alô Miguel:

Exactamente Miguel! Pa amor di patuá, iou iscrevê más sãm pa paródia, pa divertí, pa genti ri cacada, pa levantâ nôsso lingu más alto possível, co soberbo pa damonstrâ pa tiro grandi di Unesco óla qui estunga nôssa chique lingu di Mámá ta bem di vivo, ta bem di activo.
Na tudo canto recanto di mundo têm nhum-nhum co nhónha-nhónha qui sabi pápiâ unchinho, sãm nunca. Cuza más Unesco querê?
Agora pa rimâ:

Quim ficá réva,

Más bom sâm vai mato comê erva.

Um abraço amigo,

Oh Pei Oh Kam Kât

Fála sâm ia!

P.S. Uví Pou Kok Ian, onde já vai minâ? Onde já guardâ tudo comentário? Por enquanto maioria di comentário vêm di extrangero.

GinaB disse...

Iou-sa culpa, Iou-sa culpa, Iou-sa “máxima” culpa, Miguel.
Uvi, genti.
Unga dia iou comecâ chomâ Miguel di Chistoso Chóng Si.
Chan Mong Kat, nébom chomâ más, uvi nunca?
Nebom reva co iou, Miguel.
Iou, cacada ri qui nom pódi máz co vosotro-sa iscrita e estória di encantâ.
Qui bom junta rancho pa iscrevê unga estória.
Filipe, Si Siu Ché, Chan Mong Kat, Oh Pei Oh Kam Kat e Zinha, cuza nadi comenta pa Miguel?
Uá, sã tarde ia, iou vai náná.
Uchos
GinaB

Anónimo disse...

Ai GinaB nomsiza pedi desculpa na. Iou crê qui nôs tudo ta repartí istória antigo iscrito na nôsso lingu di Mámá pa bricadera co unchinho chiste, co alegria, co carinho, co amôr na coraçám. Sâm nunca.

Fála verdade nôs tudo nom têm mau intençâm di ofendê genti co nómi mencionado aqui na PCB.

Nôsso bom amigo letrado Miguel (aka mestre di patuá) co êle sa devoçám pa nôsso lingu antigo pa botâ patuá na Unesco, iou sentí que êle tá bem di contente co tudo recente babuzera iscrita na PCB, ah!

Uau!, GinaB, iou gostâ manéra di vôs dá ordem pa Chan Mong Kât, vôs ramendâ sargento di tropa guéla pa soldado na antigo quartel di Kai Si Lán. hehe hihi

Unga abraço amigo,

Oh Pei Oh Kam Kât

Fála Sãm Ia!

Anónimo disse...

Por gentileza, quim podi explica p’ra iou qui foi nomi “Chóng-si” sã asnera?!? P’ra iou, “Chóng-si” sã nome china p’ra advogado. Iou ja explica p’ra Miguel e iou nom mestê di ninguém ordena p’ra iou. Iou senti que GinaB sã sargento na ela-sa casa e ja chega. Máz, iou somente responde p’ra Miguel porque ele ja escreve p’ra iou... Iou só segui batuta de Filipe e tenta dá mais animacáng p’ra istunga blog. Se alguém quere káw-si-kuan, então melhor sã iou deixa vosotro tudo em paz, mas cava nunca bom fala iou já dá cavaco; ou Chan Mong Kat de Julho tem pele fino, etc. etc.
Iou verdadi tem de busca ramo de Pu-luk. Iou senti que ja apanha savan...

GinaB disse...

Nom mestê reva, Sium Chan Mong Kat.
D'estunga laia, nosotro apanha savám tamêm. Começâ tudo pilizâ, cava tomâ mizinha di Pu-luk. Como vos falâ pa dá máz animacáng nosotro junto bótâ iscrita nestunga blog pa mostrâ qui nos-sa dóci língu nom caí na esquecimento.
Ai-iá!
Bye,bye
GinaB

MiguelSF disse...

Uví genti,

Nancassá subí genio.
Aqui nom tem genti tá pilizâ.
Iou nunca-si levâ mal co estunga istória di Chong Si. Cadunga vez qui iou lê qui cuza vosotro tá iscrevê, iou ri qui rolâ na chám. Divéra, vosotro tudo podi chomâ nómi-nómi qui vosotro querê, iou nádi levâ mal, porque iou cre n'unga princípio: aqui tudo genti sâm amigo di otrunga, sâm genti di confiança. Si nunca, qui-fui perdê tempo vem-na?

Por isso, tudo ancusa qui cadunga di nôs botâ aqui sâm pa tudo genti ri. Ninguim podi levâ a mal. Bom nunca?

Sâm assi-ia

Miguel

zinha disse...

Qui bom jâ olâ Filipe na festa todo chistoso, iou acha vos non tem más savam-ia .... obrigada, tirâ foto di tudo genti di PCB e lôgo-lôgo vai botâ foto no site.
Miguel: qui bom vosotro ta vem animâ unchino nosotro tudo!
Iou quelóra múrum non sábi cuza fazê ta vai bispâ tudo boboriça qui tudo genti iscrevê e verdádi ri até caí na cham e ferado nom pódi dormi ... pensa unchinho ri
como quiança otra vez.
Nunca bom fica rêva ne piliza...
tanto ancusa triste ta olâ na tv qui nosotro sã feliz co amigo juntado di tudo vanda qui podi uvi e iscrevê patuá pa lembrã di Macau.
Ucho,
Zinha

Anónimo disse...

Uh, Uh! Sium Chan M.K. já toma gato pa lebre. Ninguim já boquizâ qui nómi Chóng-Si sâm asnéra! Tudo mal entendido na. Iou sõmente iscrevê fála manéra di pronunciâ Chóng-Si na lingu
di Tói Sán (Tói Sán Vá) sâm "uidí fêo uví". Vosôtro fála iou uví qualunga palavra sãm asnéra! Iou tamém nom sábi.

Uví sium Chan M.K. por amor di Dios nêbom réva, nêbom dá caváco, estunga dôs ingrediente fazê mal pa saúde, nosôtro iscrevê lingu antigo di Macau sâm pa trazê alegria pa tudo gente
qui entendê patuá, pa fazê chiste, pa dessá mundo intéro olá qui nôsso lingu di Mámá ta bem di vivo na.


Bom, pa gente qui já ficá ofendido co iou sa babuzera...desculpâ!

Paz co alegria pa vosôtro tudo.

Oh Pei Oh Kam Kât

Fála Sâm Ia!

P.S. Uví sium Chan, nêbom guardâ "ódio", ri unchinho vôs logo savaná tudo saván vai lóngi.

Anónimo disse...

Bom, bom. Iou ja fica mais descansado co último comentário de Sium Oh Pei. Iou nom quero vosotro pensa iou sã mau génio e non podi brinca... Mas, iou-sa lema sã: “vos nunca pisa iou-sa calo iou nadi pisa vosso”...
Sium OP teng razão... cantonense sã ui-di traiçoeira p’ra fala... unchinho torto logo fica co outro sentido!
Iou lembra, quelora tropa-tropa di nosso Portugal vem rende guarniçang de Macau, nosostro todo macaísta fica genti ui-di importanti... nosotro todo vira intérprete e tradutor! Se non teng macaísta, português e china nadi podi entende. Parece galinha fala com pato!
Por isso, magala logo quere nosotro p’ra amigo e ensina olotro fala cantonense... frase-frase importanti sã:
P’ra compra som (comida): Quanto custa? (quei tó chin); Mais, mais (tóti, tóti); por favor (nhm koi); obrigado (tó ché); mais depressa (faiti-faiti)...
P’ra senta bus (autocarro): Páre (lok ché); para onde vai? (hoi pin-tou).
Lugar importanti – Quartel General (Kai Sí Lán); Palácio (Ou Tok Fu); Ave Almeida Ribeiro (Sân Ma Lou)...
Etc., etc.
Mas, quanto vez olotro fala torto, fica ferrado?
Unga vez, siara de unga alferes, precisa vai consulta na Centro de Saúde, na Tap Seak. Ela vem di quartel de S. Francisco, pega unga táxi na porta di Colégio Santa Rosa. Azinha entra na carro e sem cerimónia, ordena p’ra motorista: “Hou Lân Yuen, faiti-faiti”... passa dois minutos, mas motorista nadi mexe... e ela, aflita, torna grita “Hou Lân Yuen, faiti lá!!!!”.
Mas, mufino di motorista parece surdo e permanece parado. Ela grita que grita e finalmente motorista vira p’ra ela e diz: “Iou sabi vos querê ir longe (hou yuen). Non cassa fala palavráng... sã ui-di feio siara fala “c*l*nho” (lân). Mas, principalmente, siara teng di fala ondi-querê vai”.
Olha, olotro dois fica na carro piliza alto-alto, até vem políça. Sorti, sã políça macaísta... cavá ouvi ngau-po explica, poliça vira p’ra motorista e fala: “Aiiii ngau-po quere vai Hó Lán Yuen”, nunca sã “hou lân yuen”!
Cantonense sã assi... fala torto sai asnera!
Chan Mong Kât de Julho

Anónimo disse...

Assunto: Velhinha

Unga vêla, corpo boncô, tudo dia enchido di paciência andá cutí-cutí vai pa cemitério visitâ sepultura di su marido.
Bom, chegâ ora têm qui vai casa, ela lôgo ragassâ alto-alto su saia cáva mijâ na campa.

Coveiro ali perto óla co rosto pásmado, ôlo aberto grandi-grandi, co su cigarro pendurado na lábio, rónça vai - rónça vêm, cusâ
riva di su cabéça nom sabi cuza sucedê.

Unga dia, coveiro chuchumeco, pa satisfazê onçôm sa curiosidade, já corrê vai chápâ lado di vêla perguntâ:

Uví madame, qui fui vôs tudo dia vêm cemitério ragassâ su saia cáva mijâ na campa di su marido?

Aiiii, filo di Dios, vôs nom sabi iou sa dôr ia, iou ta churâ pa onde têm saudade!

Lembrança pa vosôtro.

Elutipaca

Miguel S Fernandes disse...

Uví Capi-Chai,

Hehe, tem chiste!
Agora na cemitério vêla-vêla sâm más astrevido-na. Si sabi qui marido já iscondê ancusa valioso na buraco, azinha abrí campa, gavartâ!

Sâm assi ia

Miguel

Anónimo disse...

Obrigado sium Fernandes.

Iou têm unga pergunta na más.

Qualunga buraco vôs ta referí!
Buraco di cova ou buraco di ôlo déco??? Hehehehihihi!

Um abraço amigo,

Sai-Capi

MiguelSF disse...

Hehe, Capí-Chai,

Vôs tudo óra arviro, hã?!

Sâm acunga buráco qui nom tem genti querê intrâ, mofino!

Abraço!

Miguel

Anónimo disse...

Segundo Aniversário do Site (Portal) Genti di Macau:

Uvi, vosotro todo, nhonha-nhonha e nhum-nhum: Hoze sã dia especial.
Nosotro-sa jistoso, vistoso e popular Portal di Partido di Comê e Bebê, em outro palavra: Portal p’ra Genti-Genti de Macau, completa hoze 2 anos de existência.
Tanto genti do PCB reza p’ra nascimento distinga Site (Portal), p’ra nosotro todo podi bota tanto ancuza p’ra lembra do nosso querido Macau.
Nosotro todo teng di agradecer Alberto, GinaBoniteza, oooops disculpa, sã GinaB, Miguel, Zinha, jóvi Gilberto, Filipe, etc. etc., e mais tanto membro-membro (qui iou aqui considera mencionado ja, se nunca istunga lista logo transforma nunga lista de telefono) qui botâ tanto trabalho, fazê tanto sacrifício e gasta tanto bafo p’ra faze istunga Site unga di grande sucesso.
Parabéns p’ra vosotro todo e tanto-tanto felicidadi!

Chan Mong Kât de Julho

MiguelSF disse...

PARABÉM PA PCB!

Tempo já aguâ, más unga ano já passâ. Estunga quiança tá ficâ quelê crecido. Já cativâ más genti-genti.

Estunga blog sâm 'nga lugar di encontro di genti qui muto querê pa nos-sa cultura. Dôs ano di trabálio co pacéncia, di bom vontade. Né-bom pensâ sâm fácil. Na estunga vida tem tudo laia-laia di genti pa aturâ.
Masquí-ia, importante sâm lio-lio estunga lorcha pa bom porto.

Iou nom-quero sâm unga bafo-comprido-ia. Na basso, iou já iscrevê quanto palavra-palavra pa cantâ "Happy Birthday" na nos-sa língu.


"Parabém sâm pa vôs,
N'stunga dia quirido
Muto felicidade
Co ano-ano di vida

Hoze sâm dia di festa
Nôs co alma cantâ
Pa quirubim PCB
Unga salva di palma"

Sâm assi-ia!

Abraço co ucho-ucho pa vosotro tudo!

Miguel

GinaB disse...

Parabêm pa nos-sa Quirubim Chistoso, portal di Genti di Macau.
Parabém pa NOSOTRO todo tamêm.
Disculpâ, Genti. Alberto ta falâ qui nom têm NET, ai-iá!
Nom pódi chapa retrato e ancuza bunito qui nosotro preparou pa oji.
Paciência, oji sã dia de alegria nadi di tristeza.
Ano-ano di vida pa site e blog.
Uchos
GinaB

Filipe disse...

Sã filipe qui já vem ia
Hoze iou contá história di condomínio, únde iou vivê qui iou já papiá na iscrita e festa PCB pa siára siára.
Iou já fica administradô di prédio na ano 2007 un àno, tánto ancuza já sucedê, tem astrevido qui já abri iou carta di bánco pa bispa, são três que já olâ, iou nádi reva, nádi cocús consumiçãm, já papiá vem , papía vaî já discubri quim sã, istunga mono dessá descubri carreca qui non sábi, iou já aguenta nunca manda chupa ovo.
Querê tánto ancuza novo, porta, campainha co telefon e qui más ia, iou sómente iscrevê chapa papel na paredi e falá non tem sapeca non tem obra, ancuza qui vosotro querê tem qui pagá assi tánto, nádi respondê.
Um condómino nádi pagá ano fora, prédio já criá burraco na tecto já intrá águ, non tem sapeca para remendâ.
Iou sa casa más casa di lotro têm infiltraçãm.
Andar riva sã águ di chuva qui intrado di teto já caî na sala, Iou sa casa di banho tem, iou papiá com gente di riva lotro falá sã águ di chuva, papiá vai papiá vêm, água di banheira , nádi mandá repara.
2º andar non tem 1º andar e r/c tem, logo istnga dois qui tem azinha chóma genti de obra pa olâ cuza sucedê, já vem iou sa casa já pápia iou tem ancuza roto e agu ja caî na casa di genti, homi homi di obra j' ola pa teto di iou sa casa di banho já guelá sã águ di cacús qui vem di riva nunca sã águ di banheira, di chuva nunca nã.
Na reunião iou papiá tem qui fazê obra di riva pa basso, ngau ajuda ngau sã obra de basso somente, iou já pápia, água caî di riva pa basso nunca sã águâ vai riva, quelora administradô nádi gosta já manda iou sosegâ.
na istunga reunião já pirgutá vaî pirgunta vêm que tipo di seguro iou tem, iou azinha senti mal parado , Já querê busca um grándi AH FOK pa pagá cónta ia.
Bom quanto dia ante, adminstradô já botá unga carta pa iou já papiá qui obra di r/c já autoriza e condomínio vai pagá.
Iou depois di bispa istuga ancuza, lá tem seleia coisa, nádi perdê tempo já botá iscrita, chapa tudo iou sa plano qui nom pode papiá na reunião, cada casa unga carta e chapa dois na parede di prédio.
Adminstradô já olâ nádi gostá.
Iou já imaginá figura deli, ranca ôlo grándi, bigode co cabelo impído e figura de pau hut kum.
Bota carta pa iou iscrevê, qui ele reva, iou nom pódi chapa papel na paredi, querê chiquí iou sa gorgumilo.
Reunião sã na 10 di istunga mês, iou nádi susto, iou querê olâ cuza pôde sucedê
Filipe

Anónimo disse...

Parabéns PCB
Hoze o site gentedemacau.com fazê dôs anos.
Iou já ficá dôs ano di sócio tamém.
Obrigado por me terem aceite como sócio.
Filipe

Filipe disse...

Jovi Chong Si Miguel
Iou sã católico, nádi sã devoto como parecê na iscrita, na mail sã iou iscrevê pa repondê Zinha e Virgínia, istunga dôs unga papiá Santo António, justo iou paxá na Lisboa cavá intrá na greza sómente istunga vez, quelora iou non sábi que Zinha já iscrevê pa iou.
Virgínia qui vôs chomá mana istunga já papiá anjo di guarda quelemodo iou podi falá outra ancuza, assi sã china falá "kin ian kón ian vá , kin kuai kón kuai va".
Iou nádi sã sexagenário, iou pódi tasquinha quanto ano fóra, tamêm nunca sã tão jovi ia.
Discutí co Chong Si nunca sã bom.
Iou sã experiência, féria na Itália já discutí co unga siára chong si na mesma tour, iou nunca leva pior mas nunca fácil tamêm, nos dôs juntado discuti co l' otro genti tudo genti sentí ferado, iou só decobri qui istunga siára sã chon si no último dia do tour no aeroporto.
Iou j'ola tánto genti qui nádi crê Dios, na su funeral vem padre, tem missa e campa co cruz bem di católico.
Iou nádi querê fazê vos muda ideia acredita em qui cuza tamêm bom iou respeita.
Genti Genti qurê istunga blog tá vivo, sã tem qui iscrevê , tem qui respondê, mostra pa UNESCO qui nosso patuá sã dialeto vivo, somente pouca gente usa.
Abraço p'ra vos
Filipe

Filipe disse...

Sium Chan Mon Kat
Iou nunca reva e triste, iou sã solteiro e tá tenta gafinha unga siára (jovi) pa iou, iou tamêm nunca sã sexagenário, podi tasquinha quanto áno fora inda, tamêm nunca são jovi
Vôs fazê iou senti qui vos sã letrado.
Na festa PCB nhonha-nhonha nádi sacudi águ di pulok pa iou, sã ri di istripa, sómente nádi rebola na chám.
Nosotro pódi falá toranja china pa nos intendê assi nádi confudi.
Lembrança pa vos
Filipe

Anónimo disse...

PARABÉNS! FELICIDADES PCB!

Iou sábi qui iou já atrasâ unchinho!!
Mas estunga mensagem sâm vêm di coraçám!!

Oi Gina!
Sobrou algum pedaço de bolo? Hehehe.

Abraços

Sai-Capi

Anónimo disse...

Bolo de chocolate.... ui-di di gustoso...sãn unga doçura para nôsso PCB e com uma vela e nosotro cantar parabéns!!! Longa vida e Felicidades PCB. Beijinhos
Misabel

Anónimo disse...

Uví vosôtro bom genti, qui nova?
Sâm iou Oh Pei Oh Kam Kât...iou nunca desaparecê di mapa. Iou ta na Shanghai visitâ família d'iousa siara, estopor, 2 dia fora nom têm acesso na net.

Iou já lembrâ dia 7 sâm grandi dia di PCB.

Parabém co tanto-tanto felicidade.
Iou sentí qui co PCB mundo intéro já ficá más bom.

Feliz Aniversário!
San Ruit Kua Lok!
Api Birthday!

Paz co bom futuro pa vosôtro tudo.

Oh Pei Oh Kam Kât

Falá Sâm Ia!

MiguelSF disse...

Amigo Oh Pei Oh Kam Kât,

Como ta vai na Shanghai? Animado nunca? Iou nunca-si vai pa Shanghai, vos podi crê?

Sâm divéra, agora, si faltâ net, sâm como faltâ TV, nos nádi tem sossego, nom tem fim di baila-vem bailâ-vai; vida burecido, consumido qui nom podi más.

Quando vos tornâ vem pa ADM pa contâ historia chistoso pa nos tudo uví?

Abraço

Sâm assi-ia!

Miguel

GinaB disse...

Muto-tánto Obrigado Mano e Mana,
Nhonha-Nhonha, Nhum-Nhum, qui visita nos-sa site e manda parabêm e filicidade.
Nos-sa festa di ficha ano di portal di PCB divéra animado.
Nom tem karaoke, nom tem dança.
Tudo juntado pa chuchumecâ.
Nôs tem chilicote, há to si, chamussa, van tan frito, chi cheong fan, corn-starch di quêzo, lacassá, etc. pa comê.
Nôs tem dóci-di ovo, genete, bolo minino e grandi bolo de chocolate qui MIsabel fazê para tudo nôs.

Mano Kâm Kât,
Disculpâ, mas nom tem máz bolo di chocolate. Na ano qui vêm iou guárdâ unchinho pa vos, tá bem?

Chistoso Miguel,
Iou ja copiâ cantilena de Parabêm pa nôs canta na Festa di Ano.

Uchos
GinaB

GinaB disse...

Mano Mong Kât,
Qui bo, vê você animado, contente e divertido (aliás, foi sempre muito divertido só tem de ter cuidado com o calos, ih,ih,ih.).
Tem di junta racho pa iscrevê unga estória co nos-sa Chistoso Chong Si, mano Kâm Kat, Filipe sortudo, Si Siu Ché e Zinha (dôs buniteza)etc.
Iou sá qui tanto nhonha co nhum querê bótâ iscrita mas nom tem tempo ou não sabi como.
Qui saiang. Nos tem qui pedi más colaboraçang.

PS: Miguel, como é que se diz: bem-disposto, tão divertido e boa disposição em patuá?
:)
GinaB

GinaB disse...

Uvi Genti!
Na festa di 07/07 unga grupo ja cantâ "Song Birds" di Armando Santos. Quim tem na máquina de batê chapa co vídeo gravado?
Mandâ pa iou, s.f.f.
Tó Ché
GinaB

Anónimo disse...

Uví GinaB!

Mano Kam Kât nunca pedi bolo...sâm acunga "emádo" di Sai-Capi qui já pedi.

Co tudo su respêto, iou crê qui vôs já fazê tanto siviço pa celebrâ segundo aniversário di PCB, vôs sa corpo cansado, cabêça tonto-tonto, dormí tardi, ôlo
ficá galádo por isso quando lê comentário na PCB já fazê confusâm dí "Tai Lou" Kam Kât co Sai-Capi, sâm nunca!
GinaB, continuâ co vôs sa bom siviço, co vôs sa animaçâm, co alegria qui Dios lôgo abénçoâ! Tó Ché pa vôs!

Paz,

O P O Kam Kât

Falá Sâm Ia!

Anónimo disse...

Jóvi Filipe:

Vôs uvi iou-sa conselho… nunca bom escohê di máz... se nunca sã capaz di ficá “kán tó kán, kán kó lán tâng chán” (tanto escolhê qui ficá co unga lâmpada fundida).
Mas, por outrunga lado... namora por namora tamém nunca sã bom ideia... e ficá ônçong nunca sã fim do mundo... Non mêste ficá morun e cisma... tudo tá rabiscado na Livro di Nosotro sa Vida... se teng p’ra casa, sã logo acontece.
Iou já vai bispa p’ra vosso Cantinho e já olá tanto-tanto lindo fotografias... vos sã diveras capaz e teng unga vida ui-di feliz... Vos teng tanto nhonha-nhonha na PCB qui trata vos co carinho e amizade...
Abraço p’ra vôs,

Chang Mong Kât de Julho

PS - Filipe, a propósito di vosso desejo, iou dedica p’ra vos istunga cançáng:

Vosso Estrela… (Melodia de “Look for a Star”)

Quando o dia vira note escurecido,
e vos non sabi ondi vai…
Nem-bom fica onçon iscondido,
Lágrimas sã logo cai.

Limpa ôlo, assua nariz azinha,
Deixa louça suja na cozinha,
Vem fora, procura vosso Estrela
Vem... papia com ela...

Todo genti tem su estrela,
Se vos choma, ela logo veng
E se vos fazê unga bom desejo
Ela sã capaz dá mais di cem.

Genti rico, genti pobre
Non faz diferença,
Estrela está na Céu p’ra ilumina
Tudo aqueli qui choma p’a ela.
Estrela há-di abençoa...

(Música – Todo genti tem...)

Repeti: Genti rico, genti pobre
Non faz diferença,
Estrela está na Céu p’ra ilumina
Tudo aqueli qui choma p’a ela.
Estrela há-di abençoa...
Humm-humm abençoa... hummmm abençoa!

Autoria de Chan Mong Kât de Julho.




GinaB:

Olotro chomá-vos Mana Gina, iou nadi ja. Iou sã mais vêlo, por isso, choma vôs “Mui-mui”...
Ah! Iou nota agora vos qui capaz escreve Patois...
Vos lembra, quelora vos fica qui sayang nom podi escreve nada?
Mais unga prova qui vosso Site sã ui-di importanti. Já olá tanto genti-genti jovi tenta iscreve e contá estória? Iscrevê bem, iscrevê menos bem, qui importa? Tenta iscreve já sã ui-di bom ja.
Claro que iou logo bota iou-se bico se simpático Chong-si Miguel começa conta su estória... ele sã expert... nosotro tudo sã aprendiz non maz.
Hummm... vos falá di iou-sa calo... qui ramede... já deixa rabo de fora.

Chan Mong Kât de Julho.

GinaB disse...

Ooops, iou já fica vêla VOLONTRÔM.

Mano Kâm Kât, istunga estória di Festa PCB, portal e blogue di nôs todo vedade deixa iou com ôlo galado, tonta-tonta qui nom pódi más e ta fica ferada iá. Agora tem di guarda dôs pedaço di Bolo.
Ramendâ unga Condor tamém (dor aqui e dor acolá)
Disculpa Cápi-chai. Sabi iá. Tem bolo.
Disculpa Amigu Amigu di Macau. Iou tem vai descansâ.
Máz tade iou volta pa iscrevê máz.
Tem qui iscrevê ancuza pa Filipe e Mano Mông Kât.
Unga cento de UCHOS
GinaB

GinaB disse...

Quim sã autor di I Love Paris?
Bóta letra tamêm.
Assi juntado Birdies di PCB já pódi cantâ na nos-sa dóci lingu.
Uvi, Api di Macau Terra Minha. Inventâ unga Hino pa PCB.
Ciao
GinaB
PS: Zinha logo-logo ficâ maestro di "Birdies".
:) GinaB

GinaB disse...

Ooops, Api e autor di I love Paris - "se faz favor", si nom sã máquiaçam..

Anónimo disse...

Unchinho chiste pa vosôtro!

Noutro dia Chan Mong Kât comentâ qui lingu Cantonese sâm traiçoera, quando falá unchinho torto lôgo virá pa outro sinificado. Sâm diveras...certo palavra uidí difícil pronunciâ.
Na báxo têm três frase qui quando pronunciâ errado lôgo levâ botas na rabo. Exemplo:

Tubo di borracha = Káu Hau.
Omeleta di caranguejo = Fu Yong Hái.
Limpa sapáto = Mát Hai.

Iousa sogra antigamente vivê na rua di Barra, cába guerra já muda vai Hong Kong... tudo óra quando papiá estunga quando palavra china sai tudo torto ravirado.
Vai restaurante china ordena omeleta levâ descompostura di criado di mesa. Criado logo falá: "ai-ia, nei kong tâk kam yuk sin gah...nei kong t'chou hau...mou kó mei soong."
Quelora, coitado, ela sabí qui já papiá errado, rosto ficá tudo vemêlo...resto di família tudo ri cacada qui nom pôde más.

Iou quando joví tamém já uví unga istória di ngau-po vai mercado S. Domingo compra soong. Quando ela passâ na frente di tenda di carne di vaca, china guelá...amica...mái vaca, la!

Ngau-po apróxima perto, dedo pontâ pa acunga chonto di vaca pendurado na riva di tenda, perguntâ:

Que é isto?
China nom sabi responde.
Faiti- faiti que é isto?
Para que serve isto?

China sentí fadigado, calado su boca nom sabí qui manéra bom respondê ngau-po.

Tanto qui ngau-po insisti, china finalmente respondê:

CALÁNHO VACA POU TÓNG!!!

Abraços, bom fim di semana pa tudo vôsotro!

Sai-Capi

Anónimo disse...

Quelora iou chegá Saiong, genti contá pa iou estunga istória qui unga iou-ça patrício já sucedê.
Unga dia, unga maquista já querê sentá bus vai faculdade.
Logo já olá unga bus no stop ui di longe arrancá vai já.
Ui di susto, logo levantá mão chomá:
- Pála, pála, pála...
Chaufeur olá pa maquista, já mexê dedo, chomá:
- Pula, pula, pula...
Maquista nunca pódi entrá na bus correndo rua, botá bafo chomá:
- Pola, pola, pola...

MiguelSF disse...

Mana,

"I Love Paris" sâm di Cole Porter. Méo mundo jâ cantâ estunga música.

Ucho

Miguel

Anónimo disse...

Sium Filipe, istunga sã pa vos:
* Mar di vida sã inchida di onda-onda forte (qui iou chomá di momentos), nosotro nunca bom afundá, quelora onda-onda passá, tudo transformá, tudo alumiá!
* Si unga dia vos senti moron-moron ou saiâm, sã bom lembrá distungo istória: já tem unga dia vos já sã espermatozóide más azinha qui grupo intéro!
(* autor desconhecido)
Abraço amigo

GinaB disse...

Miguel e Genti Amigu,
Desculpâ! Sã I Love Paris em Patois.
Ja gavartá papiaçam de 2008,ôtro vanda di Blogue.
----------------------
Anónimo disse...
Iou Gosta di Macau (melodia de “I Love Paris”)
Iou gosta di Macau na Primavera,
Iou gosta di Macau na Veráng,
Macau na Outono tem su chiste,
(vos nadi fica triste)
Macau na Inverno sã interessanti
(co tanto novidadi)

Iou gosta di Macau tudo ano,
De Janero a Dezembro,
Ai qui foi assi galanti?
Ai-oh-ai, como nadi?
Iou-sa coraçam teng ali.

Iou gosta di Macau todo hora,
Iou sã nadi vai embora.
Macau teng tanto ancuza fino…
(nunca sã só Casino)
Macau sã terra sin igual
(sã Património Mundial)

Iou gosta di Macau tudo o ano,
De Janero a Dezembro,
Ai, ai qui foi assi?
Ai-Oh-ai, oh-ai como nadi?
Iou-sa coraçám teng ali.
3/3/08 13:53

Quim sã autor di letra? Chan Mong Kat???
Saúdi
GinaB

Anónimo disse...

Heheheh GinaB:
Diveras iou sã autor distunga cançáng co melodia di "I Love Paris".
Vos gosta nunca?
Como vos acha "Vosso Estrela" (Look for a Star)?
Iou senti qui teng mais tino.
Abraço,
Chan Mong Kat de Julho

Anónimo disse...

Uvi, Gina:
Porque nadi abri unga página somente p'ra canções em Patois?
Nosotro junta tudo cançáng-cançáng mais un quanto di nosso Mestre Adé (Cavalo na Mato, Noite Estrelado, Casa Macaísta, etc. etc.)cavá tanto genti podi cantá!
Sã mais unga manera p'ra divulga nosso Patois.
Chang Mong Kat de Julho

GinaB disse...

Mano Mông Kât,
Cuzâ ta acontecê. Introu na iou-sa cabeçâ pa lê iou-sa idéa co Alberto? Nosotro todo têm memo pensamento. Alberto ja têm ancuza preparado pa cançám. Ai-iá, rôba nos-sa idéa. Iou ui-di contente sabe qui vosotro tamêm pensâ assi.
Nôs têm: Parabêm sam pa vôs, Iou gosta di Macau e Vos sa etrela.
Mano, iou bem di gostá di cançàm na dóci lingú di Macau.
Junta rancho iscrevê más, tá bem? Qui tal Chistoso Miguel, Mano Mong Kât, Mano Kâm Kat, Mano Cápi??
uchos
GinaB
PS: Iou tem na retiro ainda.

Anónimo disse...

Ah! Gina...
Vos já isquecê... Iou sã apoiante di PCB di primeira hora... na primeira linha... cava, iou já ficá doente, por isso, já afasta unchinho, mas coraçang sã sempre perto de vosotro...
Vos lembra, quando vosotro lança Site em 070707 (ui, qui sorti... numero de jackpot!) unga Urso Maior já ataca nosotro-sa Site?
Ah! agora vos já sabi quim iou sã nunca?
Chang Mong Kât de Julho.

GinaB disse...

Ai-iá, Iou-sa Bom Amigu.
Ja cai "queixo" na châm.
Cuza assi tánto-tánto tempo nunca dizê quim sã, andâ mascarado ano intêro e nunca iscrevê para iou, pa ninguim. Ja ficâ co saudadi di vôs. Otrunga dia ja lê vos falâ qui iou agora ta iscrevê bem patois. Jâ fica desconfiado, sabi?
Ai, Zinha e Alberto ta peguntâ pa vôs tamêm. "Cuzâ acontecê co nos-sa amigu?" "Tá zangado co nôs ?"
Iou dizê qui nom sábi. Agora co Urso Maior, iou ri cacada.
Qui bom nôs têm na volta nos-sa Amigu e Apoiante di PCB, na primera linha. Ta lembrâ nôs (trio - Iou, Alberto e mano Mong Kât) juntado na Computador pa idea pa site? Passâ 2 anos iá.
Iou ficâ memo muto muto contente.
Iou logo-logo saí retiro iá.
Uchos uchos
Gina

Zinha disse...

BRAVO, mano Mong Kat jâ voltâ-ia!
Iou tamém agora jâ senti quim sã vos. Nosotro tudo uidi priocupado tudo ora pirgunta cuza jâ sucedê.
Qui consumiçam mas nos nádi revâ!
Iou ta vai tudo vanda indagâ unde jâ isconde istunga amigu si jâ vem saiong nunca. Uvi quelora iou e Gina vai pa ou-mun lembra pagá nosotro unga van-tan-min - iou nádi isquecê istoria di jackpot.
Ucho grandi,
Zinha

Anónimo disse...

Iou ficâ triste, nôm pode vai Ou Mùn, mas uoi sa coraçón logo vai com vosôtro, e iou sa ôlo vai chorâ que nem capidêra. Qui cuza pôdi fazê, bicuâ novidáde distunga bloggui. Qui saiâm, nôn pôdi olâ genti-genti. Iou tâ vai!

ucho

Anónimo disse...

GinaB(oniteza) e Zinha:
Obrigado... vosotro todo sã genti fixe.
Ne-bom reva co iou... sexagenário doente sã non tem paciência p'a nada. Cava, PC tudo hora fazê greve, nadi querê trabalha! Iou quasi deita ele di janela fora!
Mas, ele não teng culpa... sã tão velo como iou... deixa vai, na.
Iou promete, volta e meio logo bota patois aqui e cava logo fazê limpeza na iou-sa Cantinho.
Nosotro-sa Alberto já fazê bom trabalho...
Site agora diveras chistoso! Tanto fotografia p'ra ola qui iou fica cacai e dedo cresce calo di tanto chu-chu rato.
E PCB continua tem tanto festa-festa; nhonha-nhonha fazê tanto bom petisco e tudo anda contenti e feliz.
Vosotro olá qui tanto genti vem bota Patois aqui?!? vosotro todo ui-di sorti, tem simpático jovi Letrado Miguel p'ra ajuda...
Anedota sã nadi falta: Api, Capi, Kam Kât, teng chiste de morre!
Bom, iou bafo comprido ja.

Gina, fica sossegado na retiro, uvi nunca? quando sai, dize p'ra iou vosotro-sa plano de visita a Macau, podi non podi?
Iou fica à espera di vosso plano p'ra junta co vosotro todo.
Chan Mong Kât de Julho.

MiguelSF disse...

Uví genti,

Iou jâ botâ unchinho di letra-letra di musica qui iou iscrevê na iou-sa Cantinho na www.gentedemacau.com. Vosotro tudo podi vai ali dâ unga iscuta.
Mas sâm unga bom ideia abrí unga portal pa letra-letra di patuá.

Abraço co ucho

Sâm assi-ia

Miguel

GinaB disse...

Vedadi Genti!
Chistoso Miguel já bota letra di cançám têm máz di unga ano, sábi non sábi?

Qui tal fazê unga peça musical na nos-sa dóci língua di Macau?

MAMÁ MIA, qui tal genti?

(Miguel, se for inconveniente por causa de “copyrights” podemos cantar só nas nossas festas, aliás, nas festas de toda a Comunidade Macaense, vai pensando nisso.
O pessoal poderá ajudar também na letra).

Uchos
GinaB

GinaB disse...

MAMÁ MIA, Here I (WE) go again, My my, how can I resist you?

Da Filomena, recebemos o seguinte comentário, disse...

Mufinage? Vosotro, nunca medo.
Compra incensos, bate cabeca e reza unchinho diabo fugi logo. Eu sa amiga, coitada, ja tem um acidente. Ja cai, bati costas, e vosotro, parti braco, para no hospital, faze operacao. No hospital, marido tonto tonto em casa, ja deicha ladram entra na garage, e ruba, tudo...vinho, e carro...mas tarde, bilhete comprado pa viaja para Holanda, vosotro, ja perde tamem...de quase quinze mil dolares, so recebe quatrocentos, e logo mas sucede, sapeca para medico quase mais que dez mil, e nhonha nhonha pedi mais um pouco de sorti, mas sorti tamem nao vem, torna faze outra operacao na ombro e quando caba, chega casa, apanha gripe, nhonha nhonha co nhum nhum. Ja choma iou, iou leva incensos, agua benta, e vai ali queima. Ja reza e quema roupa de nhonha nhonha e nhum nhum, e oji, tudo corre bem ola? Nhonha nhonha fala, nadi sabi porque tanto ma sorte e ma sorte pa dois anos ia, mas nhum nhum ancusa contente, ri mostra dente.

Anónimo disse...

Bong pamiang! Bolotudu teng bong?

Iou kereh scribê pa conta pa bolotudu qui iou ja fica muto contenti cando descobri bôs-sa casa portal na redi (Net).

Bôs-sa casa portal na redi cuma unga bersang di Papia Cristang di Macau sang muto bonitu ki iou nunka sabê papia bem.

Bôs-sa associaçon di PCB teng chiste, muto bonitu, bem fêto e bem intendido di unga modo pa involvê calquer grupo di
gente ô unga sô péssoa di êsti Comunidade Macauense.

Akeli comida di tradisang na bôs-sa festa, oh-la-la, bem bong!

Iou ta interessado di compra unga Dicionário Cristang-Português, Português-Cristang. Bolotudu sabê undi teng pa vende?

Continua papia Cristang co festa di tradisang. Viva Macauenses! Parabéns!

Iou teng ki vai.

Saudadi!

Filo di unga português di Seixal
nascido e educado na Orienti.

MiguelSF disse...

Anónimo 12/7/09 01:10

Como ta vai? Vôs ta bom?
Iou divera contente, podi olâ Papiâ-Cristám di Malaca (Kristang) na nos-sa blog.
Estunga blog tem dôs ano-ia, quelóra coméça, genti sintí vegonha, nom-quero iscrevê na língu maquista. Cavâ un-cento di esforço, ui-di tanto genti querê vem botâ faladura na antigo língu di Macau. Vôs olâ qui bom?
Bem-vindo amigo! Língu maquista tem muto ancusa parecido co Kristang. Porisso, né-bom pará di vem!

Abraço

Miguel

MiguelSF disse...

Anónimo de 12/7/09 05:58

Más unga ancusa: nom tem acunga dicionário que vos ta falâ. Aqui na Macau tem unga dicionário Kristang-Inglés.

Nos nom sâm "Macauenses", nos sâm Maquista (Macaenses ou Macaístas)! hehehe

Unga abraço!

Miguel

Anónimo disse...

Mutu merseh Miguel SF (SF sa pa San Francisku di Assis)?

Saiang di dicionário. Dessâ vai ja. Yo kereh unga di Kristang-Português, Português-Kristang assi pa yo fazê bong traduçang.

Yo pensâ qui na cusas di internet di Naçon Unido tudo homi co tudo mudjer ki ja nacê na Macau teng drêto di
ser tchomádo Macauenses, sa nunka. Na tudo lugar pôbo di Macau conchido Macauenses. Nê!

Yo teng inpressiong qui bos escrebê co papia Kristang co aôtoridadi! Verdadi!

Miguel, pa su bong bontadi na sprito di amizadi co fraternidadi, merseh!

Abraço pa tudu bong jenti di Macau!

Nascido e educado na Orienti.

Anónimo disse...

P'ra compreendê unchinho nosotro-sa novo amigo, vosotro tudo vai visita istunga atalho (link):

http://cafrinhotugu.multiply.com/journal/item/8/Artikel-artikel_Tentang_Tugu

Chan Mong Kât de Julho

Anónimo disse...

Amigo Chan,

Nu tem qui escrebê tantu.

Sômenti Cafrinho Tugu podê ja.

Más bong, más midjor qui

http://cafrinhotugu.multiply. etc., etc., etc.

Unga abraço,

di bos sa novo amigo

MiguelSF disse...

Uví, Amigo Nascido-e-Educado-na-Orienti,

Estunga istória de "Macaense" já crecê barba-ia. Né-bom tornâ contâ, si nunca, sâm buscâ sarna pa cuçâ, hehehe.

"Macaense" sâm palavra más moderno, más portuguesado. Genti antigo chomâ onçom di "Macaísta" (ou Makista).

Ngau-sok (português europeu), sintí qui co estunga palavra, sâm logo cobrí tudo genti-genti qui já nacê na Macau. Mas china-china nunca si pensâ destunga modo. China-china chomâ "tou sang" (nacido na téra, macaísta) acunga-quanto genti-genti di sangui portugues champurado co tudo laia di raça. Pa ilotro, nôs sâm "Tou Sang Pou Ian" (português nacido na Macau). Mas, quelóra vosotro priguntâ co china-china nacido na Macau, qui vánda ele ja nacê, ilotro azinha rispondê sâm di San-Vui, Toi-San, Sek Kei, Chong San, Pun U, tudo lugar-lugar menos Macau...! Vosotro j'olâ qui parabiça?

Quelóra iou uví genti discutí estunga ancusa, iou ri qui istripâ!

Masqui-ia! Importanti sâm iou sintí orgulho di iou-sa sángui assi champurado. Nos-sa raça sâm único na Mundo.

'Merseh' pa vôs, amigo! Lembrança pa vosotro tudo.

Sâm assi-ia!

PS: Iou assi arviro quele-modo podi virâ ficâ Sâm Francisco? SF sâm Senna Fernandes!

Miguel

GinaB disse...

Iou, ainda têm na retiro, mas ri cacada qui nom pódi máz. Muto bo genti chomâ nôs de Macauense, sã vedade (A senhora fala tão bem português é Macauense, não é?).
Uví, nom vê máz letra-letra di cançám.
MAMA MIA!
Nôs (iou e Alberto) têm unga PROBLEMA. Non têm melodia pa bótâ na site juntado co letra di Miguel e Chan Mong Kat. Quim pódi ajudâ, s.f.f.
Mano Mong Kât: Craro qui iou vai mandâ iou-sa plano pa vôs. Nôs vai fazê unga festa di quebra-testa na ADM co nos-sa Partido.
Nébom esquecê que vos têm qui pagâ van tan min pa iou e Zinha, tá?
GinaB

Anónimo disse...

Sium Nascido-e-educado-na-Orienti:

Qui bom vos já fica "regular" distunga blog! Como Miguel já fala: Tudo amigo-amigo podi vem Papia Kristang nestunga blog.
Obrigado vosso indicaçang p'ra site di cafrinhotugu etc. etc. Vos sabi, nós distunga vanda sã genti ui-di bafo-comprido sa. Ui-di gosta de papiá!
Abraço p’ra vos, amigo.

Chan Mong Kât de Julho

Anónimo disse...

Gina:
Ok! iou fica à espera de vosotro-sa indiçang.
Ah! qui bom! Já têm festa marcado no ADM!
Ayaaa... vos têm dúvida que iou logo paga vos e Zinha van tan min ou chau min ou qui cuza que vosotro quere comê?!?
Sã aproveita p'ra mata saudadi...
Abraços,
Chan Mong Kât de Julho.

Anónimo disse...

Uvi jenti bensuadu!

Merseh Miguel pa bos sa sforço na ensino, na educaçon e di informaçon di jenti undi ê nacê, di bos sa opinion

di Maquista, Macaense e di Macauense.

Yo agora debê tchomâ bolotudu Macaenses pa fazê promoçon di reconhecimento.

Nang teng algum cusa más, assunto ês sta sclarecido.

Yo ja cabâ di flâ, si nunka barba logo crecê ficah más comprido. Hehehe.

===========================================================================================

Senor Chan:

Bos bong policiâ secreta. Na rede bos ja vai descobri Cafrinho Tugu. Bos retirado di siviço di judiciado?

Tugu fazê parti di naçon di Indonesia. Português na tempo di descobrimento nunka si botâ/toca pê na Tugu e yo tambê nunka se vai.
Jenti di Tugu qui sabi papiâ kristang ja vai dibaxo di terra qui século ja...minhoca tambê ja devorâ tudu elotro sa corpo, cabâ terra fica
rico, por isso teng bonitu fruta mango!

Good job Mr. Chan, way to go!
Keep smiling Miguel!

Abraços e bong pamiang, bong atadi e bong nuti pa bolotudu!

Pápi di Seixal. Yo nacê e educado na Orienti
na cidad di Santo Nómi di Dios e ex-aluno di
Padri Joâo Guterres di Macau e Malaka.

Anónimo disse...

Sium Nascido-e-educado-na-Orienti
Caro Amigo:

Hehehehe! Iou nunca são puliça judiciária aposentado... único ancuza qui iou têm secreto têm na basso de iou-sa umbigo... ãh... ãh... ne-bom confundi... sã iou pança... iou tudo dia tudo hora tenta escondê iou-sa pança mas cada vez tá mais dificil ja... deixa vai-a...
Hoze em dia, conhecê ancusa sã ui-di fácil... vai surfa Net (como vos fala, Redi).
Ah! Vos já olá!?! Pe Guterres tamém foi iou-sa professor na Seminário...
Tanto reguada iou já leva d’ele.

Abraços e bong atadi.
Chan Mong Kât de Julho.

Filipe disse...

Zinha
Sã iou Filipe qui já vêm.
Iou sentí vôs j'olâ iou sa futuro nádi funcioná pa iou, na festa PCB vos j'olâ pa iou ui di chistoso já papiá qui nom tem más savám, iou logo ficá qui contente, ah! bom savám já vai ia, sã ancusa qui nádi acontecê.
Savám nunca vaî sã pemanecê, iou ja levá iou sa popó vai fazê isntuga ancuza qui chomá revisão anual e otra ancuza qui ngau sok chomá "preparação para inspecção",Citröen, já fazê tánto ancuza, já muda tánto peça peça e falá qui carro ficá bom já pedí novecento euro fora, iou já arde péli, qui cuza pódi fazê, sã assi ia, bom istunga ancusa si carro fica bom tudo bom.
Hoze já vaî inspecção logo iou sa queixo caî na chám e já quasi boquiza palavrám, sã hómi qui fazê inspecção vem fora co papel vemelo na mán já pápiá co iou qui está reprovado, tem qui mandá consertá más ancuza.
Iou reva nom pode saî voz, já querê guelá palavrám mas non podi, já gasta tánto sapeca pa Citröen já ficá co carro reprovado di inspeçám falá ia.
Saî di lá azinha vai otra oficina já truca dôs roda, fazê istunga ancuza qui ngau sok chomá "alinhamento ou ripagem" nunca sã falá sábi ia, sâ más sapeca qui tem qui saî di bolso ia.
Cum nervo impído vaî azinha outra vez pa inspeçám, istuga vez já passá ia.
Pramicedo iou ta vaî Citröen istoporá bem feto, já intruja pa iou, trablo nádi bem fêto.
Sã assi ia.
Filipe

Anónimo disse...

Uvi amigu Filipe,

Vôs nom pódi dessa estunga laia-laia di genti intrujâ más-ia. Más bon vai aprendê unchinho de kung-fu pa assustâ istupor qui tantu consumiçam jâ fazê pa vôs. Nancassã mêdo chapâ recibo pa istupor qui fazê vosotro pága tantu sapéca pa carro ficâ riprovado ...sã obra mal fêto.... acalmâ onçom sinão sangui subi pa cabeça ia.
Isquece-ia vai passea na rua pa nom virâ mofo-mofo, uvi nunca?
Futuro vai virâ bon, isperâ ....
Zinha

Zinha disse...

Uvi tudo amigu PCB

Iou-sa compadri Canhota ta ficâ avo-cong di unga chistosa querubin.
Nosotro tudo ficâ ferado ia! Nádi ten cançam patuá pa festa di babalua. Ele somente sábi cantâ pa fazê neta dormi.... agora nosotro pódi guela qui ele nádi vem!
Parabem pa tudo familia, compadri.
Zinha

MiguelSF disse...

Zinha

Falâ pa Canhota qui iou mandâ pa ele unga abraço bem di chacarado.
Quelóra sábi qui ele já virâ-ficâ avo-cong iou azinha tá vai gafinhâ na iou-sa Cantinho, unga letra di música qui iou jâ iscrevê quanto ano-ano fora-ia. Já postâ ele na "Cançam na Dóci Língu di Macau". Chomâ ele vai ali dâ unga iscuta.

Ucho

Miguel

Anónimo disse...

Uví genti!

Vosôtro sa boboriça iscrito aqui na
PCB ta fazê iou LMAO!

Hihihi.

Abraços

Anónimo disse...

Iou ta imitâ Anónimo di 10/7/09 falâ: "Pola! Pola! Pola!"

Uví qui fui unga pancada já parâ tudo chiste!

Vosôtro tudo têm vegonha di iscrevê!?!

Vai chupâ Leng Kok na!

Zinha disse...

Miguel:

Amigu Canhota ontem jâ telifonâ. Chomâ iou botâ uvido no telifón pa iscutâ bem fêto cançam qui vos ta fazê pa querubim. Dia nôte somente sábi ensaiâ .. neta lôgo lôgo jâ vai casa-ia. Quelora su neta quirida boquizâ patuá vos jâ ficâ ferado ia. Nora san ghau-bó dá-le compostura e sogro-cong lôgo dizê qui vos san culpado. Nádi falâ iou-sa nomi-nomi.
Ucho,
Zinha

MiguelSF disse...

Anónimo 17/7/09 18:50:
Ai qui ramede. Né-bom assi bóca patarata, chomâ nos tudo vai chupâ leng kok, vai.
Cavá olâ tanto ancusa já iscrivido na estunga blog, cavá olâ chiste di Chan Mong Kat, Oh Pei Oh Kam Kat co Sai-Capí, como vôs podi sintí qui nôs tem végonha iscrevê?
Quelóra chegâ fim di semana, tudo genti tem qui discansâ-sa, sâm nunca? Atê chupâ sâm tem qui têm força, sâm'nca?
Sossegâ-na! Quelora tem inspiraçam, vôs logo olâ chiste sai como águ fónti. :)

Zinha:
Qui bom sábi qui Canhota já gostâ dacunga letra-letra. Sâm divéra, quelóra su neta começa boquizá maquista, sêm logo ficâ ferado: logo mandâ avo-cong vai chupâ leng kok, si ele bafo-comprido nádi parâ di cantâ acunga cançam! hehe

Sâm assi ia!

Miguel

macau-amo-noi disse...

uví genti-genti, jovi-jovi na Net sang tudo hora falâ com codigo, como LOL, LMAO, BRB, etc-etc...
nos tamén sang tem qui inventâ codigo pa nos-sa lingu... qui tal ?

RQC : Ri Qui Chirí...
VCJ : Vai Comê Jagra...
VCc : Vai Chérâ Corda...

Cavâ damostrâ pa Sium dotor Miguel corrigí pa ficâ oficializado...
Vem câ vosotro tudo botâ iscrita-ia... uchooo...

MiguelSF disse...

Uví Amo-noi

Vos divéra capadóci, divéra tem tacada. Cavâ lê ancusa qui vos já botâ, iou RQI (RI QUI ISTRIPÂ)!! Nôs tamém tem qui iscrevê co código. Assi nôs-sa língu sâm logo virâ-ficâ más "cool", sâm nunca?

Ucho

Miguel

Anónimo disse...

Uví Maca-u amo noi-noi, qui nova!

Cuza sâm LMAO?

Já agora, iou tamêm têm unga código pa vôs sa coleçâm:

CNB = Chirí na buiâm!

Abraço

GinaB disse...

VCO - ??
Pódi adivinhã? Sã fácil.
GinaB

macau-amo-noi disse...

LMAO = laughing my ass out

Uví anonimo, arranjâ unga nómi vai?...

Chirí na buiâm ? qui saiang... nos usâ buiâm pa metê balichang cheroso

GinaB, iou sábi VCO...

GinaB disse...

LMAO= Laugh my ass off
tamêm pódi sê,hi,hi,hi.
GinaB

Anónimo disse...

Uví Gina Badaraco, Uví Maca-u amo- noi-noi, vosôtro 2 tudo ora inchido di chiste, ai qui bom! Ta goza vida ãh!

Maca-u amo-noi-noi vôs ta tontâ iou jâ...qui fui vôs querê ispaliá pa tudo gente uví qui vôs "sábi VCO" !!??@#!!

Nebom réva, vôs já faltâ dôs palavra.
Vôs devê iscrevê:-

GinaB, iou sábi sinificado di VCO...

Bom, pa cába tudo galantaria iou sa sinificado di VCO pa vosôtro tudo sâm "VAI CANTÁ ÓPERA"!

Na nómi di chiste co alegria,
abraços forti-forti pa vosôtro dôs.

GinaB disse...

Iou senti qui vos sã Capi-Chai. anónimo de 21/7/09 19:30.
Iou já chapa retrato antigonço que vos ja mandâ, na cantinho Amigu-amigu. Azinha vai bispâ.
Ja ola nosotro sa rancho juntado na vídeo, cantâ Macau sã assi, Macau terra minha, Yut kóng-Kóng, dançâ Limbo Rock, cha-cha-cha,
nunca?
Abraço-abraço ui-di forti.
Iou tem na retiro ainda.
GinaB

macau-amo-noi disse...

Uví anonimo di chiste co alegria,

Nádi revâ, iou nang sang faltâ dôs palavra, sang pa genti-genti pensâ-vai pensâ-vem pâ respondê. somente nunca pensâ vos-sa cabeca arviro asi azinha ja "plim". sang asi ia, goza ungchinho day by day. Nunca bom vanguiâ, pa vos unga BIG HUG.

macau-amo-noi disse...

Uví GinaB, deixâ iou falâ pa vos.
Quelora laugh my ass OUT, sang quando sâi Pêdo, pum pum pum... praaaaaattt... hahaha, asi nádi ficâ estrangulado.
Uchooo...

Anónimo disse...

Ai-ia Gina! Como assi... atirâ casca di banana na châm pa iou pisâ. Iou nunca boquiza di vez sobre estunga
assunto di VCO. Pufi, qui foi culpa na iou!

19:30 na terra di iou sa tio Sam sã 11:30 A.M., estunga óra sâ óra di iou andâ na parque pa iou sa saúde.

China falá: Ai-ia, in vong ãh, tai ian! In vong ãh!

Abraços,

Capi-Chai

TC disse...

Miguel: Ta vem agradecê-vôs abraço bem chacarado.
Divéras gostâ distunga letra, fazê iou lembrâ musica antigônço. Iou ta
vélo-ia, nunca bom pensâ que iou fica ton-ton mon-ton.Ainda lémbrâ tudo esse musica-musica.Vôs ui de capás di iscrevê tanto letra-letra maquista, saiyang vôs non bótâ mais na blog. Vai-ia Miguel gafinhã vôs-sa cantinho!
Sam assi ia.

TC disse...

Comadre:Vôs nenbom pensá iou cantâ dia intero. Võs pensâ iou tem vida fêde? Lembrâ iou já ficâ avo-cong, agora non tem tempo pa chicuri todo lado.Agora só tem cabeça pa estunga neta. Iou cantâ tam bem fêto neta certo gostâ.Lembrâ, vos sa iou manejante, nunca bom fazê iou encavacado, quelora perdê chiste.Iou ta falâ Miguel bóta mais letra-letra no blog, ele uide capás.
ucho

Admin disse...

100 comentários em 22 dias !!!
Bafo comprido...

macau-amo-noi disse...

Sr. Admin, sang Bafo-di-Áde

Filipe Rosário disse...

Uví gente sã iou Filipe qui já vem outra vêz
Iou sá liçença já perto cavá ia, nom tem pa paxá mundo sã paxá Portugal tudo lugar perto di iou sa casa, tudo dia já vaî ginásio Holmes Place pa fazê ginástica, tempo qui tem licença andá já vâi más pa “hidroginática”.
Hoze cavá hidroginática já querê vem casa, na elevador di Holmes Place já incontrá unga siára qui conhecê na ginásio, siára já papiá co iou qui querê vaî di elevador pa basso, susto nom pode vâi ia, sã elevador nom têm luz, iou papiá co istunga siára di setenta ano fora, nádi susto iou ta vâi co vôs pa basso.
Intrá elevador iou mostrá foco pichotito pa istuga chácha, logo olâ cara di satisfacám di istunga siára, iou sandê foco siara ficá uidi raganhado, quelora iou apaga foco! Logo logo siára guela di susto, pedí pa sandê foco, iou já sandê foco e nos vâi embora ia.
Co susto di sára qui já guela fazê iou lembra di tempo antigu em nosotro sa Macau, lebrá di iou sa avó mãi, iou mamá , di bon genti qui Dios já chomá pa Eli.
Já lembrá cantilena di nosotro sa lingu.
Nos sa patuá sã lembra têm, já lembrá unchinho di cantilena como istunga qui têm más gente conhecê.
Lio liu lorcha vâi Cantão, busca seda fazê quiman, novo novo nhóha vestí velô velo limpa chám.
Istunga cantiléna iou lembrá qui sã iou sa mamá, avó e titi qui brinca co iou, quelora à note sentado na varánda di casa di avô mãi qui fica na riva di Farmácia china San San Tóng.
Azinha já lembrá parti di outra cantilena qui qui sã:

Tolê tolê cabeça doi, chuchu co faca muito doi, arde co chilí.......

mau iou nom podi lembrá más, já ano ano fóra ia, quelóra iuo sã idade sã iscrivido somente di um número, agora já cinquenta más ano fora, sã lembrá qui brinca co iou sã avó que vivo na Rua S. Miguel nº 19.
Otra cantilena tamên tem cabeça non te pé já vem ia.

Chácha di gonga chàcha comprá chisó (QUI CUZA SÃ CHISÓ , IOU NON SÁBI SI TEM GENTI QUE SÁBI FAVÔ ENSINA PA IOU, OBRIGADO), ,chácha querê tánto ........... chácha dále china, china dále chácha, chácha guelá aî ô.

Bom genti, quim sábi ou já lembrá podi fazê favô di botá más ancuza na cantilena na riva qui já muto qui já isquecê, ajudâ completa.
Nosotro sã patuá, lembra sã têm, nebom tem vergonha, di bota iscrita na istunga blog, nádi completa não faz mal, si nádi bota iscrita sã esquecê tudo, sã nádi têm.
Sium Anónimo nosotro tudo já fazê fórça pa iscrevê, párá unchinho tem qui pará, si lembrá e ideia vem tem iscrita, patuá sã lingu (dialeto) hoze sómente unchinho gente papiá, nunca sã papiá qui nosotro tudo parádo, vos assi capaz qui foi qui sium nádi botá iscrita, importante sã botá tamêm su nomi, critcá sã más facil qui fazê. Sium Anónimo ne bom reva co iou já falá assi detrô qui detrô.
Amigo da PCB, iou sã máquina di tirá chapa qui vosotro gostá, já papiá qui tirá chapa di nosso Macau ui di buniteza já vaî, nunca sã máquina qui iou tira chapa na Terra Santa e PCB, já cavá vida di máquina, sã tem qui batê chapa di fotografia co otra.

Nebom iscrevê tánto ia, vosotro já sentí qui iou tem bafo di áde.

Tudo di bom pa vosotro tudo
Filipe

Anónimo disse...

Reva! Iou nunca reva. Justo, sium Filipe, iou concorda que vos teng detro di escrive qui ancuza que vos querer.

Iou tamem teng detro pa escrive ancuza que iou querer, ja ola. Quem sam vos pa dar ordem para iou botá iou sa nomi na comentario.
Vos quere nomi, esta bem, iou sa nomi sam-- Ké Má Kó Õi.

Blog di PCB fala nhonha nhonha, nhum nhum, siara, sium, rico, pobre, jovem,velho pode abrir "Conta Google". "Pode também utilizar a sua conta Blogger".

OpenID
Nome/URL
Anónimo

Agora vos fala iou nao teng detro de usa Anónimo pa escrive comentario! Qui culpa teng Anonimo? Cuza, Blog di PCB ja muda vai Russia? Ja fica comunista? Por isso nao pode usa Anonimo!

Vos nunca abri boca, genti nunca fala vos boca fede. Querer teng boca fede, mais bom vai bebê agua de bacalhau na!

Intalado ia, iou creio qui Filipe na elevador ja cheira aroma di apa di chácha velha, outro vez apanha savám po isso agora ta desconta na anonimo.
Sium Filipe vos tambem ne bom reva co iou já falá assi detro qui detro como vos.

Tudo di bom pa vos, Filipe.
Ké Má Kó Õi

GinaB disse...

Meus Amigos,

Vamos lá a ver. Para “alguém” comentar seja o que for no nosso Blog, temos várias opções para os participantes escolherem. Posto isto, a identificação é desnecessária. Posso colocar que sou fulano tal e não o sou. Quem sabe quem é a GinaB, a Zinha, o Filipe, o Alberto, etc., só nós, os do PCB, correcto? E mais, existem 2 Gina Badaraco. Uma em Portugal e outra em Macau. Posso colocar Virgínia, HÁ TANTAS!!! Quem é quem????
Pronto! Não se zanguem por uma coisa tão insignificante. Por favor, não utilizem palavras ofensivas e pouco correctas quando se sentem picados.
Divirtam-se escrevendo na nos-sa dóci língu di Macau, tá bem?
PAZ - OM
Assina
GinaB (quem será????)

Alberto disse...

A boa disposição e a cortesia é o que se espera dos participantes.
Posso ser o Admin ou então digo
Uchos GinaB
O nome "Anónimo" "GinaB" "Alberto" "Miguel" facilita o diálogo, em vez de dizer que (discordo do Anónimo do dia 23/07/09 15:02)

Filipe Rosário disse...

Sium K....
Nunca reva co sium Anónimo K.... sã divéra qui nádi precisa bota nomi, iou nunca guelá órdem di bota nomi "obrigatório", sã bom nádi confundí, sã sómente gosta di sabê com quim está papiá e facilitá pa trata como sium António ou Tancredo ou ... , vôs fala di istunga modo sã franqueza di momento sómente, si vos oncong iscolê istunga "pseudónimo" passe bem.
Tudo di bom pa vôs.
Filipe

Zinha disse...

Sium Admin.

Qui bom jâ tem 100 iscrita ... assi nosotro damostrâ mundo intero qui lingu maquista sã pa ficâ.
Genti: né-bom isquecê blogue somente san pa diverti-ia. Nancassã ficâ revâ... quim sã filo di quim nádi sã poblema... quim querê ficâ anónimo sãn anónimo tamem.
Compadri: vos pôdi vai bobói su neta né bom isquecê tudo dia vai ensaiâ unchinho ..iou sã su manejante têm de olâ si cantâ bem fêto nunca. Festa sã dia 3 Out.
Filipe: Sórti jâ chegâ-ia. Agora siára de 70 ... dipois siária jovi-jovi. Isperâ, sórti jâ vêm.
Ucho grandi,
Zinha

Anónimo disse...

Uvi genti de Admin., Sium Filipe, Alberto, siara GinaB.

Desculpâ iou co uso di palavras ofensivas.
Iou usa estunga quanto palavras sem inteçâm di ofende vosôtro tudo bom genti qui usa PCB pa passa tempo co diverti, mas sam pa dâ mais chiste. Outro vez nadi escrive ia.

Ramendâ Zinha falá: "blogue sam pa diverti." Agora iou fala P Q P !!!

Ai-ia, iou más bom sam explica cuza sam P Q P cava vosotro pensa qui iou tornã usa "palavras ofensivas".

P Q P = Pa Qui Piliza!!! Já olâ. Hehehe.

Vosotro cabeça suzo nom tem nada faze co iou.

Bom dia pa vosotro.

Ké Má Kó Õi

Anónimo disse...

Macau di antigo:

Oi, vosotro todo como tá vai? Ou melhor, ondi já vai? Como tudo assi calado murcho-murchu?
Hoze, na Macau, tá sol forti de riva e calor di morre cá em basso... sã diveras nadi tem vontade de sai p’ra rua...
Melhor sã vai di férias... mas, férias tamêm logo acaba, sã nunca?...
Qui tal nosotro todo junta fala e recorda unchinho de nosso Macau de antigo?
Quim de vosotro lembra quelora Macau, na ano de 1957-60, na veráng, logo aparecê unga china de vendê “Pak Kou e Pak Chi”.
Quim já ouvi fala nistunga dois petisco china?
Bom, deixa iou conta p’ra vosotro.
Pak Kou e Pak Chi sã uma tipo de comizaina de china de norti (se iou nunca está enganado... porque quelora iou somente tem 11 anos nã-maz). Pak kou, sã massa de farinha, co formato de uma grande “tai” de lo pak kou enquanto que pak mai chi remendâ acunga pãng italiano chomado “foccacia”...
Modo de comê tamém sã diferente...

O primeiro sã salgado e sã preciso di corta tudo em tira-tira, unchinho mais grosso que nosso “ho fan”, cava junta chouriço china, lap iok e tanto “yim sai” , bota tudo nunga grandi “Vok” e frita co
banha!
Cava, quando comê, pode bota unchinho de chili-missó... Yiiiiii qui sabroso!
“Pak chi” sã p’ra comê na merenda, porque sã dóci. Corta tudo em bocado; cavá, junta ovo batido e frita... p’ra comê só falta chu-chu na sucre e pronto! Ah bebê chá sem sucre... hummm-hummm!
Iou lembra que sã Veráng porque nosotro todo vai nada na barraca de banho e quando volta p’ra janta teng istunga petisco ui-di sabroso...
Istunga china, quando aparece na nosso bairro, logo grita: “Mai Pak Kou-eh... Mai Pak chi-eh....” e iou-sa tia logo vai azinha p’ra compra...
Ahhhhh nosso vêlo Macau... qui saudadi...

Chan Mong Kat de Julho.

PS - Ah se vosotro sabi melhor, podi vem fora corrigi iou. Obrigado.

澳門人 disse...

Unga nhum uidi capáz nadâ, tudo dia vai piscina di sua club. Mas ele somente tudo-dia tudo-ora nadâ di barriga pa cima.
Non podi más, socio-socio olâ jâ priguntâ :
- uví, vos quele modo so sabi nadâ asi. Non sabi nadâ otro manéra ?
QUI di chuchumeco ! iou somente gostâ nadâ di costa sang pa nádi mulâ iou-sa dos nozes !

Anónimo disse...

Uví Ou Mun Ian,

Anedota di riva têm chiste! Hehehe.

Oh Pei Oh Kâm Kât

Falá Sâm Ia!

Anónimo disse...

Unga dia, nhonha maquista no Metrópole já vai talho comprá galinha.
Olá frigorifico, tem ungo dúzia di galinha-galinha.
Nhonha chomá patrão d´estunga talho, dizê:
- Iou ungo galinha querê.
Patrão logo já respondê:
- Não temos galinha, minha senhora!
Nhonha senti galante, torná vai insistir:
- Iou ungo galinha querê, por favor!
Patrão torná vai respondê:
- Aqui não vendemos galinha, minha senhora!
Nhonha reva, virá costa vai embora, logo resmungá:
- Mufino Sôi-Lou, tem galinha-galinha, nã querê vendê pa iou!
(Nhonha nã sábi sã frango-frango di Saiong, nã sã galinha-galinha di Macau)

Anónimo disse...

:) :)

Filipe Rosário disse...

Já incontrá iscrita di Sium Chan Mong Kat na nosotro sã blog, Sium Chan já contá lembránça di Terra di tempo antigu, papiá di comizaina china, Pak kou e Pak chi, iou já sábi di istunga dôs ancuza, sómente já comê pak chi fritado co ovo e sucre, iou come pak chi juntado co leite condensado tamên, sã bon, ui di tánto ano nadí comê ia, nunca comê pak kou até hoze.
Sium Chan já piguntá na comentário si nosotro querê junta fala e recorda di nosso Macau, si sium nádi importa iou junta pa recorda unchinho di nossa Terra, iou são unchinho más jovi qui sium Chan, assí iou sa lebránça nunca tem tánto como di Sium, cuza más qui Sium querê iscrevê bota ideia pa nosotro qui querê junta segui.
Bom iou já vem na lambránça unchinho ancuza di tudo dia dia ano 60, iou tem ná más qui oito ano, sã assi, hoze papiá di unga ancusa somente, logo ancuza macaísta e su comizaina ta papiá vem fóra ia, unchinho di cada vez, assi quim lê nádi cansá.
Quelora iou vivo na bairro S. Lázaro, j´ola tánto ancuza vendê, china china ui di capaz trazê su ancuza pa vendê, sã tem genti cartá co pau qui sã tám cón co dôs cesto pindurado, pódi bota armário como quelunga velô cong qui vendê min pau e bolo di Volong, iou tem na lembránça qui istunga china velo já curvado e usa sandália co sola fino qui parecê papel amarrado co corda, quase descalço, tem genti empurra carro di madeira tamêm tem gente bota na cabeça riva, si vosotro quere ola, vaî pa nosotro sa site, iou tem chapa botado ia, sã somente “simulação” di Macau antigu, fotografia chapado di bairro S. Lázaro áno 2003 .
Quelora manhã cedo tudo gente guelá na janela ou varanda pa comprá ancuza , sã min pau, chü cheong fan, non sábi cuza más ia, china coitado corrê azinha pa atendê tudo su freguês qui querê comê ante di vaî trabala, quiança quiança logo vaî iscola.
Tudo gente co cesto pindurado na janela, china bota ancuza qui l’ otro querê pega sapeca (pataca e avos) já tem na cesto, ancuza qui querê logo chega azinha cesto sã subí riva.
Min pau pichotito sã cinco avo cada, grándi são 10 avo, bolo bolo, má chai sã 10/20 avo cada.
Sã dois padéro qui vendê na bairro sã de Volong e Ká Lán,
Na tempo antigu genti tem sórti, comê ancuza bom, fresco, qui já fazê quase na hora, agora tamêm sã fresco nádi papiá gelado.
Bom hoze ne bom bafo di áde, guarda unchinho pa otro dia iscrevê.
Dexa iou trabala na iou sa foto chapado na féria, logo cavá junta tudo iou vaî bota na site gentedemacau.com.
Iou sa licença já cavá ia, assi iou non podi bota tánto iscrita, tem qui se vagar vagar.
Sã assi ia, tudo di bom pa tudo gente.
Filipe

Anónimo disse...

Ah! bom Filipe:
Ao menos vôs já vai bispa na iou-sa estória... Recordá sã vivê, tudo genti sabi... mas, nestunga vanda genti-genti gosta di olá mas nadi comentá... paciência ja. Mas, se tudo guarda recordaçang no baú, nosotro-sa filo-filo quelemodo podi conta estória p'ra ele-sa filo-filo?
Vos tem razão... acunga china de vende Pak Kou e Pak Chi carrega dois grande cesto com tam kón.
Quando iou era criança, iou-sa casa ficava na bairro de Sé, na Largo do Senado... tanto bom recordaçang, mama mia!
Vos já ouvi fala di china de vende Cha Yü Fá Sang Chôk?
Ahhhhh... falá e iou até podi senti chero da canja... hummm hummm.
Deixa iou contá na próxima vez.
Uvi... se iou nunca erra... vosso Mãe capaz faze dóci di camalenga, sã nunca?
Abraço p'ra vôs,
Chan Mong Kat de Julho.

macau-amo-noi disse...

vosotro falâ di pak-chi, chá-yü-fá-sang-chôk, camalénga, lao-hao-soi. iou sa tem tanto-tanto saudadi sang di Caranguejo co fula di papaia cháo-cháo balichao. e agora qui vem Verao ta senti cheiro di xarope figo.

Anónimo disse...

Macau di antigo (2).

Hummm… istunga vanda sã diveras já fica ungchinho murúm...
Uvi, vosotro todo... férias nunca acaba na?
Istunga quanto dia na nosotro-sa Macau, parece qui Infermo já abri su porta, di tanto calor que nôs tá senti... 34ºC-36ºC... vosotro podi imagina?
Abri tornera, sai águ quenti! Baza águ di tornera na chávena, chuchu pacoti di Lipton logo tem chá p’ra bebê! Nuncassá fervê águ!
Vêlo-vêlo e Chácha-chacha, na rua, senti vangueâ di tanto calor... por isso melhor sã fica em casa ia.
Lembra nosotro-sa Macau di antigo, tamêm sã calor na Veráng, mas nunca sã tão abafado ramenda sauna. Tamêm tanto suor logo sai, mas nunca sã assi qui até cuecas fica ensopado!
Mais, na nosotro-sa Macau di antigo sã na Veráng qui podi olá china de vende Pateca (melancia)....
China carrega dois cesto com tám-kón, cada cêsto com 5 ou 6 pateca. Ele vai di rua a rua e grita “Sá lóng ké Sái Kuá”!
Iou ainda podi lembra figura distunga china... co chapéu di palha na cabeça, cabaia e calças de “chau-chai” preto, camiseta cheio de suor e unga toalha pindurado na pescoço. Quando tem genti querê compra, ele logo larga ele-sa dois cesto e aproveita p’ra limpa suor da cara e abana com su chapéu de palha ou aproveita p’ra fuma unga sok-yin, qui ele teng tanto jeito de enrola.
Outrora, unga pateca, grandi como bola de futebol, custâ unga pataca-unga pataca e meia e podi comê 12 pessoas...

Mais p’ra fim do dia, ainda podi passá china di vendê Tau-fu-fá...
Istunga china nunca carrega cêstos... ele carrega uma balsa de madeira – co tau-fu-fá dentro – nunga lado do tám-kón e notrunga ele leva unga pequeno despensa. Em cima da despensa teng uma grandi frasco co “tong sôi di gengibre” p’ra adocicâ o tau-fu-fá e dentro da despensa ele leva tigelas e mangutis p’ra servir ele-sa “produto”... tamêm dentro da despensa ela carrega unga pequeno balde co águ p’ra lavar as tigelas.
Muitas nhon-nhonha vem compra tau-fu-fá p’ra servir de comida p’ra janta. Neste caso, olotro bota sutate na tau-fu-fá em vez di tong soi.
Tau-fu-fá custa 10-20 avos unga tigela...

Hoze em dia, fruta-fruta di Macau senta aviám vem di todo o Mundo e tau-fu-fá podi ainda comê na tanto loja-loja de van-tan-min.

Chan Mong Kat de Julho.

MiguelSF disse...

Uví Chan Mong Kat,

Aqui na Macau tudo genti já ficâ daretido, ramendâ sit-tiu na básso di sol, sa. Unga calor di morê.

Iou tamém lembrâ Verám di Macau quelóra iou ainda pichóti.

Nacunga témpo úndi tem air-con como hoze-em-dia? Si tem aváno co ventoinha sâm bom-ia! Na iou-sa casa somente na quarto di pai-mai tem. Porisso cavá tomâ banho tudo nos-sa catravada azinha cai pinchado nacunga quarto. Coitado de pápi nom tem sossego. Querê unchinho más di espaço tamém tem qui olâ úndi tem. Querê andá amestê tem tacada, si nunca, sâm logo pisâ na braço di unga ou cara di otrunga filo.
Mas nacunga quarto, nos quiança-quiança qui di contente: nancassá abrí friza pa panhá ar fresco-ia. Acunga demónio di air-con qui barulento qui nom podi más, qui gelâ! Nôs na Agosto tem qui tapâ co min-toi, sacrista!
Masqui-ia, iou sintí qui tem chiste.

Tudo dia pramicedo iou co iou-sa amigo-amigo azinha corê vai baráca di banho na vánda di reservatório. Água masqui castanho, sâm fresco. Tem dia qui virâ ficâ más verdi. Nôs quiança, quelóra mudâ calçam di banho azinha unga tricada saltâ na águ, qui sabroso. Iou lembrâ ali tem unga china qui chomâ A-Seng. Ele-sa cara tudora murum, nunca ri. Vôs olâ pa ele, azinha perdê vontadi di comê. Mas unga dia iou saltâ pa águ, já panhá quémbra. Ja lutâ quelê tanto pa nádi afogâ, já bebê águ qui inchi bariga. Iou sintí iou ta vai-ia, de repente sintí unga mám qui di forte, chiquí iou-sa braço levâ iou vai riva. Sâm A-Seng. Iou sâm nádi isquecê su cara.

Verám di Macau sâm tamém lembrâ di anóti-anóti na Praia Grandi, Mea-Laranja, San Tin Hoi (Aterros). Ascrim, sit-tiu, pateca,ananás, jambua, long-an, más quanto laia di frutázi, tudo tem pa comprâ anóti. Até Fei-kei-lám tem-sa. Somente china nom-podi pinchá Lám pa genti porque sâm anóti.

Na vánda di San Kiu, Patâne, sâm lugar di dóci-dóci china: hong-tao-ping, lok-tao-ping, chi-ma-U co ascrim (ilotro chomâ "sut-kou-chi-ma-ping"), tau-fu-fá, sai-mai-lou, leong-fan. Co tanto ancusa pa comê nôs quiança-quiança certo varê tudo rua-rua, pa gafinhâ comizaina.

Hoze-em-dia, vida tem más conforto. Verám sâm ancusa qui nôs nádi sintí. Air-con na tudo vánda, nôs somente sintí calor quelóra sai rua. Mas pensâ bem-feto, na tempo antigo masqui nom tem tanto ancusa como agora, vida tem más chiste.

Sâm assi ia!

Miguel

Anónimo disse...

Ah! Amigo Miguel:
Qui bom tamêm uvi vôs contá "estórias" di Macau Antigo... iou ui-di gosta uvi "estórias".
Mas, quelora iou sã quiança ainda, nadi podi sai di casa onçon... é... iou ui-di coitado... disciplina ui-di severo em casa.
Deixa iou quando fica mais "inspirado" conta p'ra vosotro uvi.
Bye-bye!
Chan Mong Kat de Julho.

macau-amo-noi disse...

sang deveras... vem Verao sa logo lembrá di antigamente... iou-sa avó antes de entrâ Verao acordâ nosotro tudo crianca-crianca na madrugada, encaxâ Purgante di oleo ricino, cavâ falâ nós nao precisa vai escola amanha... certo, porque nos logo fica na casa chirí dia intero...
tamén lembrâ comê ascrim de A-lói, ele chegâ hora vai di bicicleta levâ pa casa unga grandi balde di ascrim... saudades...

Filipe Rosário disse...

Recordaçám di Macau antigu (2)

Já bispa iscrita di Sium Cham mon Kât, já papiá tau fu fá, sã ancuza qui iou já comê qui tánto ia, sã tau fu fá dóci, tau fu fá sagado co sutate, qui tánto ano nádi comê ia, iou vivo em Portugal, na mercearia china tem ui di tánto ancuza pa vendê, iou sã falá cuidado pa tudo gente, si compra ancuza co l’ otro, pódi incontrá ancuza fóra di prazo, já chapa outro papel riva co bom prazo, iou já comprá tau fu fá di conserva co caixa plástico qui vem di Hong Kong, chega casa abri non pódi comê sã chau sok, já vem podre.
Macau ano 55 /62, iou vivo na bairro S. Lázaro, j’ ola vendê sutate na rua, sutate já vem transportado em carroça co dôs roda grándi e um pichotito na vanda frente, impurado somente co um hómi qui vendê achares china.
Iou tem na recordaçám sutate sã di marca Galo, um papel co grándi galo chapado na garrafa, tem “sám chau”, sutate más claro más sagado, “lou chau”, sutate más iscuro, poco sagado e unchinho dóci, tem “tek iao”, istunga último juntado co sutate pra prepara minchi tamêm michi co fan si sã ui di savoroso, papiá já sentí querê comê ia.
Logo tem gente comprá sutate, hómi já abri garrafa botá quanto gota di non sábi qui cuza, gongchông gongchông garrafa, iou quelora quiança, non sábi como vendê um garrafa di sutate, somente sábi um pataca tem troco.
Istunga hómi de vendê sutate tem carroça di cor verde, um lado tem sutate otro lado tem tánto ancuza dentro di pote pote, iou somente lembrá tem sün mui cheong (molho de ameixa ácida agridoce), chili-missó, tau fu mui (coágulo de soja fermentado).
Tau fu mui sã pa comê co arôz bafado, pa fazê chau chau cangong, pódi cocús co unchinho di sucre, iou tamêm comê tau fu mui capí pão.
Iou j’ ola tudo ancuza di carroça na varanda di 1º andar, somente lembrá unchinho qui já iscrevê, tem tánto ancuza qui non sábi cuza sã, si ficá na rua iou nádi pódi bispá, iou são más básso qui istunga carroça qui tem dois porta abri di riva.
Carroça sã grándi e pesado, hómi vem desce pa básso di rua Eduardo Marques, corê bairro S. Lázaro, na ladeira si gente comprá ancuza, hómi empura carroça bota di lado encosta na passeio assi corroça non pôdi fuzí.
Non sábi istunga hómi vem di úndi, quelê capaz di empura carroça di riva pa basso e basso pa riva.
Tem dia vendê unchinho ancuza, tem dia corê di Eduardo Marques pa S. Miguel nadi tem gente comprá ancuza.
Bom, si lembrá más ancuza di tempo antigu iou logo iscrevê más, sã assi ia.
Tudo di bom pa tudo gente
Filipe

Anónimo disse...

Uvi, vosotro todo! Iou tá senti ui-di onçong nistunga casa, já olha? Iou inveja qui non podi maiz vosotro todo vai férias! Aiii iou senti qui mordecim, sã diveras...

Por isso, já escrevê istunga cançám p'ra damostra iou-sa sentimento. Ne-bom fica reva com iou!

Sã unchinho desintong... mas, vosotro logo percebê!

Si Ninquim vem (Melodia de "Bacalhau Non Têm")

Undi teng todo genti d’stunga casa?
Qui foi porta-janela tudo fichado!
Vistante fica disorientado...
Vosotro todo já vai viaja?

Sã GinaB, non vem...
AlbertoP non vem...
Zinha e J non vem...
Jovi Filipe non vem
Tai-Sai Capi non vem
Até Api non vem
Assi cava quim logo vem?

Ne-bom deixa istunga casa abandonado
Tudo genti logo fica ensonado...
Sin istunga sitio sã grandi saiam...
Preguiça fazê cai pé-máng!

Sã GinaB, non vem (repeti...)

Chan Mong Kat de Julho.

pq disse...

Uví Sium Chan Mong Kat de Julho.
Sium mi desculpã mas tá vêlo-vêlo.
Novo-novo sâ vai féria Agosto e volta Chan Mong Kat de Setembro ia :)

Anónimo disse...

qui fui Bacalhau non tem ? sa tem tanto-tanto na sai-yeong. Uví Sium CMK, si sang tem nómi di musica na lingu di Xeki-espéra, falâ iou. podi non podi ?

Filipe Rosário disse...

Sium Chan Non Kât
Sium nuncassã bom sentí ongçong, iou já iscrevê na dia 5 di Agosto, já bota na blog, agora já prepara otro texto, sómente iscrevê vai iscrevê vêm, três dia nádi sai, iou nádi inspirado, iou tem siviço, nom tem tempo pa tudo ancuza.
Iou querê prepara foto pa chapa na site tamêm non têm tempo, tem que compra song, lava ropa e siviço tudo tempo ta água vaî ia.
Tudo di bom pa Sium
Filipe

Júlia Gordo disse...

Uvi, iou vem contá unga istória pa vosotro tudo.
Ano passado iou já ficá doente chomá 112 cartá vai hospital.
Acunga hospital inchido que inchido, nôm tem vanda pa bota iou. Cavá unga bombeiro já leva iou pa unga quarto, quelora iou já ficá onçom onçom nunga canto.
Iou ta doente, ôlo fichado, mas pódi uvi bem feto unga bombero falá pa otro:
- É pá, aqui não!
Acunga otro já respondê:
- Não faz mal, não está cá ninguém!
Cavá, azinha azinha dôs bombero já vai fora-ia.
Iou, chuchumeca, virá iou-ça ôlo olá onde elotro já largá iou. Sã unga quarto com dôs cama di pedra!
Cavá quanto hora passado, acunga dôs bombero já volta, cartá unga sium di cara tapado, botá nunga cama di pedra, logo falá pa iou:
- A Sra. está com sorte, já temos uma vaga para si no 1º andar.
Iou qui-da mêde. Acunga dôs mufino já pinchá iou na quarto di morto!

Sã assim-ia, num bom bafo comprido. Otro dia vem contá mais istória pa vosotro.

Anónimo disse...

Uví Júlia, qui nova!
Vôs sa istória têm chiste!

Bombero falá a "Sra. está com sorte, já temos uma vaga para si no 1° andar". Sorte di cuza! Elôtro já chu-chu vôs na cama qui acunga
sium di rosto tapado qui jâ esticâ. Iou sentí qui elôtro nunca esterilizâ bem fêto cama pa vôs na.

Bombero falá "não faz mal, não está cá ninguém". Cuza!!!!! Não está cá ninguém ???

Sorte sã: Bombero co vôs nunca acordâ acunga quanto "Hám Sâp Kuai" di morgue, se nunca, ai qui ramedê, vôs onçôm quanto óra estirado na morgue
esperâ cama di quarto, "Hám Sâp Kuai" lôgo erguí pa dançâ cha-cha-cha, cavá chicurí co vôs, sã nunca. Bom sorte...bom sorte qui nunca acontecê.

China falá "Tché Tin, Tché Tei La"!

U HAND!

Anónimo disse...

Ah! já dá efeito iou-sa tacada! usa agulha frujenta chu-chu vosotro todo, resultado: Tanto genti vem papiá, sã nunca?
Filipe: Ne-bom consumido... iou sabi qui vôs sã como acunga ator "Man about the House"... vôs ui-di capaz, tudo sabi fazê e teng tanto trabalho. Iou espera vosso istória.
Sium pq: Vôs qui capaz, já adivinha iou sã vêlo-cong... sã diveras... tempo azinha aguâ. Mas, vôs disculpa... velo lou-mong-tong, iou nunca compreendê bem feto qui cuza vôs significa "Novo-novo sâ vai féria Agosto e volta Chan Mong Kat de Setembro ia :)"...
Sium Anónimo 8/8/09 12:39: "Bacalhau non têm" sã unga cançám di nosso Mestre-Grandi (china choma Sifu Avô) di Patois, Adé. Iou somente imita ele e escreve quanto verso p'ra buli co vosotro e fazê vosotro veng aqui papiá.
Bom, iou tá vai-ia... saúdi p'ra vosotro.
Chan Mong Kât de Julho.

Filipe Rosário disse...

Siára Júlia
Sã divéra Tché Tim Tché Tei como U Hand papiá, importante sã ficá bom de volta, sorte bombeiro lembra vem busca siára pa unga vaga qui já vaga, iou trabalá na hospital iou sábi qui tudo bombero de ambulência sã core dia intero pa tudo vanda, nom tem tempo, cartá maca intra hospital, nádi saî de hospital rádio de ambulância ta choma noutra vanda busca outro doente, sã divera coitado pa bombeiro, l' otro sã voluntário nom tem sapeca pa ganha, cava su trabalo de ganha vida, logo vaî pa bombeiro cudí gente, trabala somente pa bem da humanidade.
Quanto vez j' ola bombeiro ferido, quim sábi?
Tudo di bom pa siára e tudo gente
Filipe

Anónimo disse...

Uví amigos! Estunga portal falá iou bafo comprido, nom pôde iscrevê tanto. Têm qui dividí dôs parte. Qui saiám!

Estória di Médio Oriente.
I Parte

Iou ta lembrâ di algum tempo atrás. 20 fora áno, iou co iou sa siara di férias já vai visitâ unga naçám na Médio Oriente.

Unga dia nôs dôs rónça na praça busca cuza pa comprâ. Na praça, credo, inchido di genti pa tudo vánda. Buli-buli ramênda fomiga, andá-pará, andá-pará pa olá bugiganga pendurado na tenda pa vendê.

Relógio di praça dóng...dóng... dóng... batê meo-dia, môro cabéça depenado, embruliado co unga lençol na riva di torre gritá forti-forti:-

Aaaaaalllaaaaahuuuuumaaaaghfirliiiiiii warhaaaamiiiiii pa sinalizâ começo di rezâ (salãt) rezo di meo-dia (dhuhr).

Quelóra tudo genti na praça pará, azinha chapâ dôs palmo di mâm, fichá ôlo pa "salãt", cavá "namãz" (bassá) ajoeliado na riva di "musalia" (tapete di rezo) na châm "namãz" cabéça batê-batê.

Na meo di tudo "musalli" (adorador), têm unga Ayatollah. Perto d'êle têm dôs polícia, têm unga quiança joví di oito áno di idade vestido d'unga saia mini-mini ajoeliado na diánte di Ayatollah. Di basso di
saia nunca vestí calça di dentro ô saiacotâm, descalço-suzo.

Religiam d'elôtro falá tudo genti têm qui vestí ropa limpo co su corpo "awrah" (tapado) bem fêto.

Quando Ayatollah abrí su ôlo , levantâ su cabéça êle dâ co acunga rabiosque di quiança jóvi sem rôpa di basso di saia. Êle já óla tudo, réva, buli-buli cabéça d'unga lado pa ôtro lado...falá pa onçôm:-
Como pápa-máma d'estunga quiança dessa ela sai vai rua vestido d'estunga manéra assi indicente.

Quando siviço di "salãt" acabado, Ayatollah erguí di châm, quiança jâ desaparecê di vista. Azinha chomâ polícia buscá ela. Tanto qui buscá já achá. Coitado...élâ ela vai diante di Ayatollah, levâ descompostura
unga trás d'ôtro. Uví quiança, vôs nom têm vegonha...vestí saia mini-mini na meo di praça "salãt", cavá nunca vestí nada di basso di saia! Vôs nom têm ôtro rôpa más decente pa vestí?

Quiança começâ susto, pê mâm tremê-tremê, lagrimada respondê:- Ah... sium Ayatollah ne-bom réva co iou ia, estunga sâ único rôpa qui iou têm...iou sa familía uidí pobre, iou na casa têm más 5 irmandadi, contá ramatâ pápi
co mámi sâ 8 di nôs, pápi-mámi nom têm emprego, di si nom têm sapeca pa comprâ comida pa dácomê nosôtro, únde pápi-mámi têm meo pa comprâ rôpa novo pa nôs vesti na, sã nunca!

Ayatollah quelóra rancâ ôlo grándi-grándi levantâ su voz, réva falá forti-forti:- vôs ta falá mentira!

Quiança respondê:- Iou nom têm ánimo falá mentira, profeta lôgo castigâ, tudo qui iou já falá sã verdadi.

Quelóra Ayatollah coraçám móle sentí pena di quiança, chuchu êle sa mâm na algibeira di saia-calça pa sacâ su carteira. Abrí carteira, gafinha vai gafinha vêm já gavartâ unga nota di $20.00 dolar americano...cavá falá:-
Bom fila, nancassa medo, vêm levâ estunga nota di $20.00 dolar americano vai casa pedí mamá levã vôs vai loja comprâ sapato co unga rôpa más decente pa vestí. Amanhâm iou querê óla vôs mesma óra aqui vestido di rôpa novo
pa "salãt", sabe nunca!

Quiança pegá na nota, bezá mâm di Ayatollah, agradecê más qui agradecê, co ôlo risonho, inchido di alegria, azinha sai di praça, pulâ-pulâ, corê vai casa.

Quando abrí porta-rua di casa, ela azinha gritá pa máma pa ôla cuza ela têm na mâm assegurado. Torcê-torcê su corpo, pegã estunga nota vai diante di mamá avanâ vai, avanâ vêm. Mamá quando dâ co estunga nota na mâm di fila, já
apanhâ seleia susto, pê, mâm tremê-tremê falá:-
Ai-ia fila, credo, undí vôs já vai roubâ estunga nota, qui ramêde, polícía lôgo prênde levá vai esquadra tomã parãm cortã vôs sa mâm vêm fora...ai qui susto! Azinha contâ pa mámi uví!

Fila:- Ai-ia mámi, ne-bom subí génio, calma mámi, vêm sentá na cadera dessâ iou explicâ pa mámi uví como iou jâ achá estunga nota di $20.00 dolar americano.
Quiança fresca di su vida, vagar... vagar jâ contâ estória intéro pa mamá uví. Mamá satisfeito co estunga estória azinha levâ fila vai loja comprâ rôpa.

António (Capi-Chai) Capitulé

Anónimo disse...

Estória di Médio Oriente
II Parte


Anôte, enquanto tudo genti durmí, mamá na sala c'unga véla di cera aceso sentado na cadeira mánso-mánso ta encurtâ unga vestido preto vêlo, isburacado.

Dia seguinte, cecedo manhâ mamá já acordâ pa istricâ bem fêto rôpa novo di fila. Bom, chegâ óra quiança têm qui vai praça, vau...fila óla bonita, completamente diferente di ontem, cabelo bem arranjado, corpo, rosto limpo
asseado...tudo xike-janota vestido su vestido co sapato novo, tomâ bénça di pápi/mámi, cáva sai di casa pa vai praça pa cumprí su encontro marcado co Ayatollah pa "salãt"

Entremente, mamá tambêm já sai di casa, caminhâ di lóngi seguí trás di fila pa óla lugar únde fila vai. Na praça, passado unchinho óra, vêm Ayatollah di carro janota, parâ ali perto, quando olá quiança limpo vestido di rôpa co sapato novo, êle
raganhâ su rosto, contenti qui nom pôde más...buli-buli su cabéça co mâm pa cumprimentâ quiança.

Mamá disfarçada, co véu coberto su cabéça co rosto, vagar-vagar já avançâ vai diánte di Ayatollah.

Chegá "dhuhr" (meo-dia), relógio di praça batê dóng...dóng...dóng, môro na riva di torre alto-alto gritá pa genti "salãt". Quelóra tudo genti na praça como di costume azinba chapâ dôs palmo di mâm, fichá ôlo pa "salãt", cáva "namãz" ajoeliado
na châm batê cabéça rezâ.

Quando Ayatollah abrí ôlo levantá cabéça já dá co unga rabo fresco bem di grándi quasi chapádo na rosto d'êle.

Torná murmurá pa onçôm...qui diabo, ontem unga quiança jóvi na iou sa frente sem calça/rôpa di dentro, hoze unga siara di mea idade na iuo sa frente, suzo, calçado unga sapato di lôna vêlo, isburacado, di saia mini-mini, tambêm nunca vestido
nada di basso di saia qui já damostrâ tudo ancusa. Ai-ia na mundo cuza ta sucedê!

Quando acabádo di "salãt" (rezâ), Ayatollah diánte di tudo "musalli" (adorador) descompor estunga siara di bem fêto, falá ela garida lateira, nom têm vegonha na rosto, vesti saia mini-mini vai praça "salãt". Vôs nom têm ôtro vestido decente pa vesti!
Assi grándi genti tambêm nom têm juízo! Qui desculpa vôs têmpa pa dá!

Mamá susto, beço tremê-tremê respondê:-
Sium Ayatollah, ne-bom réva, ne-bom subí génio , dessá iou contâ pa vôs uví qui fui iou vestido d'estunga manéra! Iou sã pobre, iou co iou sa marido nom tê emprego, na casa têm 6 filo-fila, tudo dia aflito buscâ trabalio pa ganhâ unchinho sapeca pa
comprâ comida pa nôs nádi morê di fome, únde têm sapeca pa comprâ rõpa novo na, já olá! Estunga vestido iou usado hoze sã único vestido qui iou têm, na casa nom têm más ôtro vestido ia! Cuza iou pôde fazê, sã nunca!

Ayatollah réva, acusâ ela falá mentira, acusâ ela inventâ estória pa genti sentí pena d'ela.

Mamá respondê:- Sium Ayatollah, tudo quanto qui iou boquizâ sã verdadi, iou nádi falá mentira, iou sã pobre, bom coraçâm ia, crê na iou jâ!

Quelóra Ayatollah sentí unchinho pena d'ela, chuchu mâm na algibeira di saia-calça pa sacâ su carteira. Abrí carteira gafinha vai, gafinha vêm ja escolhê unga nota americano.

Mamá quando olá estunga movimento tudo, coraçâm falá pa onçôm:- Ai qui bom iou ta vai recebê unga nota di $20.00 dolar americano pa comprâ rôpa novo.

Passado quanto segundo na más, ela uví voz di Ayatollah chomâ pa ela:-

Uví madame...aqui têm unga nota americano pa vôs!

VÔS MÁS BOM SÂ PEGÁ ESTUNGA NOTA DI $1.00 AMERICANO.....LEVÁ VAI BARBEARIA FAZÊ BARBA !!!!!

António (Capi-Chai) Capitulé

Anónimo disse...

Uví amigos!

Ne-bom réva co iou si vosôtro sa bescoço ficá teso quando vosôtro acabá ler estunga estória comprido di Médio Oriente, ah!

A. Capitulé

Júlia disse...

Tem mais istória dacunga hospital.
Elotro já bota iou nunga quarto juntado com três outro nhonha nhonha. Iou contente qui num pôdi maiz. Qui bom, tem gente pa papiá.
Chegá nôte tudo tá dormido, iou senti tem gente chu-chu iou-sa nariz. Qui susto. Ragalá iou-sa ôlo, diveras tem unga nhonha empido ilado di iou, acunga dedo espetado, chu-chu vai, chu chu vem, iou-sa cara.
Cavá otro nhonha falá pa iou:
- Num bom mêde, sã unga dôda. Tudo nôte sã assi. Chu-chu nosotro tudo.
J’olá nunca, acunga hospital sâm diveras animado.
Sium Filipe, iou qui contente vôs já lê iou-sa istória. No mecê reva, iou também senti tudo bombero sã ui di coitado.Bom gente. Sâm diveras! Iou sâm vela vela ia, bombero já carta iou vai hospital tanto vez ia.
Unga dia iou já cai na rua, já parti osso de pé. Elotro metê iou na ambulância ta vai hospital. Metade caminho, já toca telefone chomá elotro vai rua – já isquecê nome – buscá unga vélo qui já cai na casa. Azinha azinha, elotro já vai buscá estunga vélo, mete na maca ilado di iou. Aia! Iou qui mêde, estunga vélo já more chapado com iou.
Saúde pa vôs e tudo família.

Filipe Rosário disse...

Recordaçám di Macau antigu (3)

Hoze iou tem aqui pa recordá unchinho de tempo antigu de istudante em Macau.
Quelora iou tem na más qui onze ano, ano qui iou intra pa istuda na Liceu, qui tem nómi de Liceu Nacional Infante D. Henrique.
Liceu ficá junto de beira mar Aterro Novo (San Tin Hoi), de edifício D. Leonor qui china china co má lingu já chóma “san chü pai”, estátua de Ferreira Amaral, Iscola Comercial Pedro Nolasco da Silva agora iscola Portuguesa, junto de campo de juga bola co nómi di “Kong Ian Kau Cheon”, ano passá ano já ergui Hotel Lisboa, logo ergui Ponte Macau Taipa co nómi Governador Nobre de Carvalho, já bota otro nómi pa istunga ponte depois de 25 di Abril de 1975, qui permanecê até hoze.
No primero ano de liceu, iou já ficá na classe que sómente tem rapaz, sala de aula sã ficá na 2º andar frente, chapado co biblioteca.
Logo manhã cedo pódi ola pa mar inchente, junco co vela de barbatana de tubarão qui china chomá “tai thó”, tem lorcha piqueno, barco de tan ká remado, tudo vai mar fora busca pesse, tem junco vaî de manhã vem na tarde pôr de sol, tem junco ficá quánto dia fóra, tudo embarcaçám sã vem de Porto Interior.
J’ ola paisagem buniteza quanto ano fora ia, tudo ancuza tem su chiste.
Tem lorcha qui saî de Má Kók , Porto Interior, aia vem úndi tamên bom ia, vem unchinho más tardi, logo istendê rede na Praia Grande.
Na beira mar, dia vazánte tem gente pegá rede grándi e rede más pichotito armado co bambú, descê di cerca pa mar, deita rede ja busca pesse.
Mulér desce basso pa mar vazante busca ostra na pedra pedra, já quebra casca di ostra co martelo, bota faca gavata ostra vem fora, sã ancuza qui hoze non têm pa olâ.
Iou sa sala di aula pódi olâ ilha de Lapa, palácio governo, Penha, justo istunga sã ano 1966, Novembro Dezembro, tanto ancuza ja sucedê...
Paisagem de junco sã permanecê más quanto ano fora somente, tang ká já ficá moderno, bota motor na su junco, nádi usa vela.
Liceu qui iou já ficá pa istudá já nom têm, divéra saiám.
Hoze sã assi tanto ia.
Tudo di bom pa vosotro tudo
Filipe

Anónimo disse...

Sium Filipe, qui nova! Ta bom?

Ref: Siara/Sium anónimo 8/8/09 21:31
Uví amigu, iou sentí U HAND sã pa YOU HAVE A NICE DAY!

Abraço fortí pa vôs + HAND!
A. Capitulé

Júlia disse...

Uví, sã Júlia torná conta istória pa vosotro ri unchinho.
Unga vez, iou co iou-sa amiga já vai matinée na cinema Império. Cavá unga mosquito ( iou senti sã percevejo) já pica na costa di iou-sa amiga qui num pódi mais, já virá mám, coça vai coça vem. Quelora senti unga mám ajudá coça. Qui sabroso. Iou-sa amiga pensá sã iou, cavá torce costa falá:
- Aqui, mais aqui, aqui…
Acunga mám já acompanha, coça tudu vanda na costa.
Cavá, iou-sa amiga virá ôlo já olá iou-sa dôs mám tá na frente agarado na iou-sa mala.
- Ah! Sã quim tá coça iou-sa costa, num sã vôs?
Nôs virá cara olá sã quim. Sâm unga marinhero ngau sok!
Azinha azinha, nôs já guelá:
- Abusador! Maquiado! – Uncento di nome nosotro já chomá acunga diabo!
Istunga marinhero, já apanhá susto, fugí vai fora.
Cavá nôs papiá, coitado acunga marinhero, já pága bilhete nunca olá cinema.
Diveras num pódi tem bom coraçam.

Sã assim ia. Otro dia tem mais istória. Tudo pa ri.

Júlia

Anónimo disse...

mufino, estuporado, qui de hám sâp ???!!! sang bem-feto si ja ficâ mao podre...

Anónimo disse...

Learning Macanese

Auntie: stopor, mufino, tocar yo sa perna ????
DAMNED STUPID SCOUNDREL, TOUCH MY THIGH
Uncle: yo nunca tocar meh!!! deveras!!!
I NEVER DID TOUCH MEH, REALLY
Auntie: mentira, voce justo ja tocar yo sa perna
DAMNED LIE, YOU JUST TOUCHED MY THIGH
Uncle: nunca, meh...ok... ja tocar... um pouco...mas e brincadeira...nao e serio
NEVER MEH...OK...TOUCHED...A LITTLE...BUT WAS IN FUN....NOT SERIOUS
Auntie: brincadeira??? olhar "brincadeira" aqui (Auntie dar Uncle uma bofetada)
FUN???? LOOK AT "FUN" HERE (AUNTIE GIVES SLAP)
Uncle: nao e justo, dar yo bofetada por brincadeira innocente
IT IS NOT JUST, GIVE ME SLAP FOR INNOCENT JOKE
Auntie: yo justo ja dar bofetada e tudo gente falar e justo
I JUST GAVE SLAP AND EVERYONE SAYS IT IS JUST
(all other Aunties stand and give grande aplauso).

Autor desconhecido

Filipe Rosário disse...

Recordaçám de Macau antigu (4)

Macau sã terra pichotito maz tem tánto ancuza pa vendê, iou ja lembrá na tempo antigu quele modo ja vendê vassôra.
Sã como ja damostra na istunga chapa qui iou já tira na Museu de Macau, na Fortaleza de Monte.
Nhónha ou nhúm china passá na rua, vêm co vassôra , vassôra pena qui nosotro chóma “kâi mou sou”, tem cumprido tem curto, algum tamêm vem co bambú, l’ otro ja carta co tám Kóm ou servi vassóra pa carta vassóra. vendedora de vassôra (fotografia tirada no museu de Macau)
Istunga foto iou ja tira na ano 2003 na Museu de Macau, qui iou ja visita ia.
Ano 2003 sã ano qui iou ja vaî pa nosotro sa Macau, ja visita tudo família família e amigu amigu ia.
Foto qui iou chapa na istunga página nuncassã antigu, quelora iou quiança non tem máquina pa bate chapa de foto, si tem nom pôde usa, nom sábi, máquina qui bate istunga chapa sã compra em Macau na istunga ano, ja estragado em 2009 Julho.
Iou más tem na lembránça, china vem co su mercadoria guelá forti “maî sou pâ”.
Tem vassôra côco, vassôra bambú, dona de casa ou quiada vem comprá, pega vassôra côco sacudí vaî sacudi vem, gôngchong gônchong quanto cento de vez ja chuchú na chám pa pincha fora migalha de casca de côco qui fica na vassôra.
Vassôra novo sã suja más qui limpâ na acunga dôs três dia novo novo, ja caî casca de côco na tudo vanda.
Ancuza más ferrado sã vassôra pena “Kâi mou sou” (espanador de pena de galinha), quelora maî reva co su filo filo, sã pegá pa cutí, azinha pega na kâi mou sou, pega dále, ui di doi, iou já leva tamanha sova de istunga ancuza nom pôde isquecê.
Bom dessá lembrá más ancuza sã iscrevê más pa vosotro ola.
Saúde pa tudo gente
Filipe

Anónimo disse...

A propósito di unga estória qui nhonha Joana conta na dia 8/8/09 16:22, iou já recebe istunga e-mail di amigo qui iou querê damostra p'ra vosotrô.
Agora quando vai Hospital nadi fica pinchado onçon-onçon na corredor, uvi nunca?
Saúde p'ra vosotro tudo...
Chan Mong Kât de Julho.


Lei nº 33/2009 - DIREITO DE ACOMPANHAMENTO NAS URGÊNCIAS DO S.N.S.


Saiu, em Diário da República, o direito de acompanhamento dos utentes dos serviços de urgencia no Serviço Nacional de Saúde. Lei n.º 33/2009 de 14 de Julho

Usufruam desse direito: a partir de hoje os nossos filhos, pais, familiares ou mesmo amigos, não ficarão abandonados numa maca de urgencia, num corredor qualquer de um qualquer hospital.


Artigo 1.º
Direito de acompanhamento
É reconhecido e garantido a todo o cidadão admitido
num serviço de urgência do Serviço Nacional de Saúde
(SNS) o direito de acompanhamento por uma pessoa indicada
nos termos do artigo 2.º
Artigo 2.º
Acompanhante
1 — Todo o cidadão admitido num serviço de urgência
tem direito a ser acompanhado por uma pessoa por si
indicada e deve ser informado desse direito na admissão
pelo serviço.
2 — Os serviços de urgência devem, através de serviços
técnicos adequados, promover o direito referido no número
anterior sempre que a situação clínica do doente não permita
a declaração da sua vontade, podendo para esse efeito
os serviços solicitar a demonstração do parentesco ou da
relação com o paciente invocados pelo acompanhante, (etc.)

Anónimo disse...

Uví amigu Chan Mong Kât de Julho como ta vai?

Estória di Hospital di 8/8/09 16:22 sã di Júlia Gordo. Undí vôs já vai gafinha nhonha Joana na?
Ai-ia, entrâ certo idade sâ assí ia!

Unga abraço amigu,

Oh Pei Oh Kâm Kât

Falá Sâm Ia!

Anónimo disse...

Ayaaa qui ramêde, já mistura alhos co bugalhos...
Sã divera, vêlo sexagenário qui lôgo fazê? Se nadi vem bota quanto asnera nistunga blog, mais lou-mon-tông lôgo fica...
Bom, iou recebe istunga e-mail e azinha-azinha vem bota na blog p’ra tudo ola. Vêlo-vêlo sã às vezes ui-di triste... mais triste sã quelora fica doente e onçon. Mas, agora vosotro ne-bom deixa genti ambac...
Obrigado nosotro-sa amigo Kam Kât, ui-di ôlo-vivo, ja vem alerta p’ra iou.
Nhonha Júlia ne-bom ficá reva com iou...
Ciao!
Chan Mong Kât de Julho.

Júlia disse...

Ai-ia sium Chan Mong Kât, iou nádi reva com vôs, iou também vela qui vela, ton ton mon ton já cai na chán já batê tudu corpo.
Mais bom san conta istória pa vosotro tudu ri unchinho.
Otrora na Macau tem unga nhum chomá Calito. Sã bom gente. Ui di saiang ele-ça pai cum mai já more, pinchá estunga dôs filo ongsong ongsong. Calito já buscá unga serviço pa fazê. Corrê rua cum su lata di terno terno vendê bolo de unga nhonhonha cum sua nhum ui di capaz fazê bolo. Cavá chomá Calito vai vendê . Cavá vende tudo, Calito logo levá tudu sapeca pa acunga dôs. Justo justo, nunca faltá unga cent.
Num tem gente qui num sabi quim sâm Calito. Saiang sâm unchinho toc-toc. Ui-di gostá bêbê.
Unga dia iou já chomá Calito pa comprá quanto bolo,quelora Calito azinha vendê já pódi vai casa, num bom assi cansado, n’é? Acunga mufino, rancá ôlo pa iou, já guelá di basso na rua.
- Uví, nhonha, num bom comprá, mona! Ui di porca, bacia de lava pé faze sa.
Diveras toc toc acunga Calito.
Saúde pa vosotro tudu.
Júlia

Zinha disse...

Uvi genti:
Iou nádi botâ iscrita mas nádi isqueçê di vosotro ia.. uidi priguiça lôgo vai imitâ tudo laia-laia di ghau-sôk ta vai tamem feria di Agosto.
Uvi, tamém iou ta lembrâ unga homem di "hong-tâu-chôc" qui tudo noite passâ pa vanda di S.Lourenço
até Barra. Ele guelá "iau léng hon-tâu-choc ah" .... mas ele ten unga boca uidi torta e quelora guelâ saliva jâ vai caí pa dentro dacunga pote. Nosotro j olâ di varanda e nádi comprâ mas tamem nádi falâ pa vizinhança qui tudo ora ralhâ tudo quiança quiança - falâ nosotro sã "má-lau solto". Assi más bon nádi falâ ... bem fêto deissa malta comê tudo porcaria. Nosotro somente avisâ tudo amigu-amigu nádi cômprâ ia!
Ate otro dia. Saúde pa vosotro tudo.
Zinha

Anónimo disse...

Chiste Di Canarim Co Comida Di Gato

Unga imigrante Indiano entrâ n’unga loja grándi na Australia pa fazê comprâ. Rónça-rónça jâ achâ comida di gato na saldo. Sâm promoçâm especial di semana…preço uidí barato.
Êle azinha sacâ di estante unga dúzia di lata di comida di gato, inchí na carrinho cavá vai pa bicha co sapeca na mâm pa pagâ na caixa di balcâm.

Enquanto na fila esperâ pa pagâ , unga manejante curioso jâ notâ unga chonto di comida di gato na carrinho d’êle. Manejante pensâ qui Canarim nom têm gato, suspeitâ qui êle , más
provável na casa ta dácomê filo-fila co comida di gato. Andâ vai chapâ lado di Canarim chomâ êle provâ qui êle têm gato na casa antes di dessá êle pagâ estunga 12 lata di comida di gato.

Canarim réva, acariciâ su barba, fazê careta , azinha-azinha sai di loja corrê apressado vai casa, cavá unchinho óra jâ voltâ co su gato na côlo pa mostrâ manejante olâ qui êle realmente
têm gato na su casa.

Manejante satisfeito co êle sa gato , quelóra dâ ordem pa subordinado vendê unga dúzia di lata di comida di gato pa Canarim.

Próxima semana, Canarim entrâ na mesma loja busca cuza bom pa comprâ. Rónça-rónça tornâ jâ achâ comida di cachôrro na saldo. Êle azinha tirâ di estante unga dúzia di lata di comida di
cachôrro , inchí na carrinho cavá encaminhâ vai pa caixa di balcâm pa pagâ.

Ôtro vez, manejante antipático, reconhecê Indiano, pensâ qui Canarim si bem qui têm gato, mâz nom têm possibilidadi di têm cachôrro, suspeitâ qui êle, más provável na casa ta dácomê
filo-fila co comida di cachôrro. Párâ êle, cavâ falá qui êle têm qui trazê cachôrro vem pa loja pa provâ qui êle divéras têm estunga animal na su casa.

Canarim vai casa, cavá qui ligereza, ramendâ tigre corrê na selva di India, já voltâ co cachôrro acorrentado na mâm.

Manejante satisfeito co prova, dâ ordem pa subordinado vendê 12 lata di comida di cachôrro pa Canarim.

Passado unga semana, Canarim tornâ vai loja. Estunga vez, êle bem di vivaço, êle vêm co unga saco di papel côr castanho asseguarado na mâm. Êle pedí manejante encachâ mâm dentro di saco.
Manejante encachâ mâm dentro di saco já apalpâ ancusa mole-mole, ramendâ gelatina…..êle imediatamente sacâ mâm vem fora, cavá guelá pa Canarim:- Uví , sâm cuza vem-sa?
Qui raio di merda sã estunga?!? Parvo-idiota!!! Estunga ancusa mole-mole divéras sâm merda?!? Manejante perguntâ!

Canarim rosto sério, vagar-vagar acariciâ su barba comprido, endreitâ bem fêto su turbante di cabéça, abrí bóca sai unga vóz uidí suave respondê:-

SÂM MERDA! SÂM MERDA SIUM MANEJANTE...IOU HOZE QUERÊ COMPRÂ PAPEL HIGIENE PA LIMPÂ IOU SA ÔLO DÉCO!
DENTRO DI SACO SÂM IOU SA MERDA QUI IOU JÂ TRAZÊ VEM PA LOJA PA PROVÂ QUI IOU DIVÉRAS TÊM MERDA.

Saúde co energia pa vosôtro tudo!

António Capitulé

macau-amo-noi disse...

Uvi genti-genti, falâ pa iou : onde tem acunga nossa estatua di Ferreira Amaral co cavalo ? uví falâ tem perto di aeroporto di saiong, na vanda di Encarnacao. Sa ondi ?

Mapa para ir até estátua di Ferreira Amaral (clica aqui) disse...

Fica no Bairro da Encarnação, no Jardim por trás dos bombeiros JARDIM onde está a estátua (tem estacionamento como pode ver) Foto de ESTÁTUA 1, mais uma foto Foto de ESTÁTUA 2 (usa o botão direito do mouse para abrir)
Como a tecnologia nos facilita tanto... :)

Zé Manel disse...

Para quem não sabe, a estátua do Governador Ferreira do Amaral, encontra-se em Lisboa.
Está por trás dos bombeiros do Bairro da Encarnação ao pé do aeroporto de Lisboa.
Por trás dos bombeiros, está o clube TAP e mesmo ao fundo da rua a estátua.
Encontra-se num pequeno pedestal, a metro e meio de altura do chão..
Agora quem quiser, pode "TOCAR" na estátua, coisa impossível em Macau.
De momento, dado as obras na vizinhança da estátua, a mesma está "tapada" por uns contentores.

MiguelSF disse...

Uví genti...

Qui cuza já sucedê? Nom tem más istória-istória na nosso língu? Chan Mon Kat vôs tem na úndi? Filipe, qui-foi nunca más botâ pena? Capi-chai undi tem vos-sa istória-istória pa fazê nosotro ri qui istripâ?

Bom, falâ verdade-ia: iou tamém tem qui penitenciâ unchinho. Tamém tem unchinho di culpa. Iou tamém já fuzí vai, largâ istunga blog assi silencioso.

Mas batê tanto pêto, papiâ tanto "mea culpa" tamém sâm nádi risolvê ancusa sâm nunca? Sâm ora di tornâ iscrevê más unchinho, pa istunga blog nádi morê.

Más bom sâm nos tudo ragaçâ manga-manga, iscrevê, botâ más chiste na nosso Natal ia, já olâ?

Unga uchám co 'nga abraço bem di fórti pa vosotro tudo !

Miguel

Anónimo disse...

Ah! Qui bom torna ouvi vôs aqui... iou senti que tudo genti já fugi... mêdo di 2012!
Ás vezes, sã assi já... ngau-sok fala sã “Te*** de mijo”...
Mas, iou tenta chu-chu tudo co agulha ferrugenta... mas nunca dá certo.
Ninguim passá cartáng p’ra iou...
Se vôs non acredita, ola istunga cançáng qui iou iscreve e bota na Blog no dia 8/09/09 ...

Às 8/8/09 04:48 , Anónimo disse...
Uvi, vosotro tudo! Iou tá senti ui-di onçong nistunga casa, já ola? Iou inveja qui non podi maiz vosotro tudo vai férias! Aiii iou senti qui mordecim, sã diveras...

Por isso, já iscrevê istunga cançám p'ra damostra iou-sa sentimento. Ne-bom fica reva com iou!

Sã unchinho desintông... mas, vosotro logo percebê!

"Si Ninquim vem aqui"... (Melodia di "Balichâm Non Têm" di Prof. Adé)

Undi teng tudo genti d’stunga casa?
Qui foi porta-janela tudo fichada!
Vistante sã fica disorientado...
Vosotro todo já vai viaja?

Sã GinaB, non vem...
AlbertoP non vem...
Zinha e J non vem...
Jovi Filipe non vem
Tai-Sai Capi non vem
Até Api non vem
Assi cava quim logo vem?

Ne-bom deixa istunga casa abandonado
Tudo genti logo fica ensonado...
Sin istunga sitio sã grandi saiam...
Preguiça fazê cai pé-máng!

Sã GinaB, non vem (repeti...)

Chan Mong Kat de Julho.

MiguelSF disse...

Uví Chan Mong Kat,

Desculpa, quelóra vôs botâ estunga cantilena aqui na blog, iou ui-di ocupado, nunca-si olâ.

Divéra tem chiste. Tem ora tudo genti juntâ ráncho vem aqui botá tudo lai-laia di istória aqui na blog, tem óra nim mosquito querê vem. Masquí-ia, genti nom-quero perdê tampo, sâm nunca?

No-medo... Ilôtro nom vem, iou já vem!
Natal ta dobrâ esquina-ia, unga pancada sâm 25-ia. Querê cantinéla di Natal, nunca?

Abraço

Miguel

Anónimo disse...

Amigo Miguel:

Ahhhh! sã diveras... nós teng cançáng em Patois di tudo laia, mas... já isquecê cançang di Natal!
Vai, Miguel, vos ui-di capaz, por isso, sã nosso professor... por favor, bota um quanto cançáng di Natal vai!

Alô... Administrador-ô-ô-ô... qui tal bota unchinho di infeiti nestunga Blog p'ra dar unga ar mais festivo di Natal?

Abraço p'ra vosotro,
Chan Mong Kat di Julho

MiguelSF disse...

Chan Mong Kat

Cuza? Professor? Aqui na Macau, quelóra nôs chomâ onçom di professor sâm logo buscâ avaria.

Masqui-ia. Natal sâm logo vem. Iou ta vai gafinhâ baú eletronico (computador) pa disencantâ letra-letra di musica. Tem ui-di tanto.

Vôs tamém podi iscrevê, sâm nunca?

Abraço

Miguel

Anónimo disse...

BÔ FESTA, FILIZ ÁNO NÔVO PA TUDO VOSÔTRO.

BOM NATAL - API NIU YEA!

ABRAÇOS

ADSC

GinaB disse...

Wei Genti Amigu,

Iou tem na Portugal di volta e co tánto saudade di vos tudo.
Fala pa iou qui ancuza vos já fazê estunga tempo todo? Festa di quebra-testa tudo hora?
Iou ja mata saudadi di iou-sa família Badaraco di nos sa tera, amigu, primo-primo etc. Junta rancho tudo hora festa, festa, MAS ja fica triste voltâ e olâ Blog na Dóci Lingu Maquista assi murum.

Letra di cançam di nos-sa amigu Chan Mong Kât “Si ninquim vem aqui” tem di passa pa cançam mêmo. Logo-lôgo vai pedí pa amigu API (Rigoberto Rosário) pa cantâ.

Uvi, Natal têm na trás di porta. Rapâ frio na Saiyong sabi nunca? Vosotro tamém, né?
Iou e iou-sa família desejâ vosotro tudo unga Santo Natal co tánto-tánto pisente e unga Ano Novo co saúde, “propriedade”, amor, paz e tánto-tánto sapeca pa gasta.
Intra bem Ano Novo co pé certo. Nebom passa SAVANADO pa ano novo.

Nebom esquecê di botâ iscrita na nos-sa Blog, nebom dessa morê estunga blog di PATUÁ.

Outra ancuza IMPORTANTE qui iou querê fala pa vosotro:

Hino di PCB sã API (Rigoberto Rosário) qui fazê pa nosotro.

No Conferência di Gastronomia na Macau, Maria João já enganâ e iscrevê qui sã Armando Santos autor destunga cançám. China fala “umm hôu i si” Armando “very sorry”.

Pa API iou-sa Grandi Amigu, “tôi umm ji” hôu umm hôu i si”, nebom reva co nos.

Ucho-ucho grandi-grandi
Saudades, GinaB

PS: Fausto e Miguel, iou ui-di gostâ juntado co vosotro 2 PCBIANO di Macau qui nunca vêm pa Saiyong. Quelora vos vem visita amigu na Saiyong?

Filipe, Zinha, Amo-noi, Amo-chai, Si Siu ché, Capi-chai, Ó Pei ò Kâm Quat, PQ, TC, Lena, Lina, Anónima, Anónimo bota iscrita na nos-sa LINGU MAQUISTA, uvi nunca????!!!! Tó Tché.

Majão disse...

Maravilha Gina!
Pena que iou núnca pôdi fálá assím. Iou-sa patuá ui de nóm présta!
Lógo-lógo iou ta pidi liçám pá vôs.
Iou ta quêrê vôs déséjá únga sánto Natal.
Vérdádi ui de frio! Iou já vém mui-mui-sa cása aqui em Paredes e ui de frio e chúva-chúva.
Bêjo-bêjo da Majão

Filipe Rosário disse...

Recordaçam de Macau antigu (5)

Sã iou Filipe ta vem ia, iou quere deseja pa tudo gente Bon Festa de Natal.
Iou nádi isquecê de vosotro tudo, iou nádi iscrevê más ancuza pa vosotro ólâ, sã iou nom tem tempo, iou já pápia unga iscrita qui iou já cavá iou sa féria, tem qui vâi trabala, tempo são curto e siviço trazê consumiçám.
Hoze iou vem papiá pa vosotro uví quelê modo iou já aprendê fazê bolo.
Iou sã avô mãi sã Josefina, co alcunha de I Châi, quelora tempo antigu sã costureira de palácio de governo, tamêm fazê bolo, bolo de natal, doce e nom sábi cuza más pa vendê.
Chega Natal, avó vâi busca basso de iscada su abôlo pa inchê bolo e tudo laia laia.
Iou já uvi contá qui iou sã avó ta vâi arracá unga figueira co formiga branca na quital di su casa, já câi, já quebra osso de dos braço, assi nom pôde más fazê bolo, natal nom tem bolo, ta vaî compra co su prima Minica, istunga já fazê paga co bom sapeca, carro de morrê.
Pága bom sapeca chácha já arde péle, assi já agarra iou sa mãi pa aprendê faze tudo laia de ancuza, quando bon saúde nunca ensina pa gente.
Iou sã mãi já aprendê, logo capaz de fazê tudo laia de ancuza, iou sa mãi sã Lourdes, profissão enfermeira, cavá siviço noite tem folga, vem casa fazê bolo di Natal pa nosotro tudo, tamên da pa amigu amigu.
Iou já aprendê fazê bolo e más ancuza brinca brinca co iou sa mãi na tempo quiança, já massá farinha, somente pa fazê impada nom pódi massá, sã tem que chipi chipi pa impada nunca saí duro de pedra.
Já lembra qui nosotro vivê na Rua Nova de S. Lázaro nº 36 qui ficá frente de gresa S. Lázaro, fazê bolo juntado co enfermeira Virgínia Rosário, qui vivê na r/c, forno antigu já incendiá, tudo juntado já apaga fogo co saco “ma pau”, enfermeira Virginia co su mãi já bota “ma pau” no bico de forno iou sa mãi já tasquinha petróleo de forno com seringa, lôgo lôgo fogo apaga ia.
(continuação noutra página, ficheiro grande não aceite)
Filipe Rosário

Filipe Rosário disse...

(continuação da Recordaçám de Macau antigu 5)
Fogo apagádo ia, tudo gente susto de morrê, bolo sã nádi cozê, nádi trapalado, azinha corê vâi padaria “Chong Kúoc” pedi padero socorrê, lôgo lôgo iou sã mãi e Virginia ta vem co tabuleiro grándi de padaria, logo tem bolo comê, quánto dia fora torna fazê bolo, sã impada, tamên sã padaria “Chong Kúoc” qui já bota na su forno di pão.
Iou sa mãi já vâi Luanda istuda um ano, pensá, ferrado iou sã filo filo na Natal nom tem nádi di ancuza di Natal pa comê, já ficá triste, engana, sã iou fazê, iou co treze ano ta vâi mercado compra tudo laia de ancuza e bota mán logo tem tudo feto dreto qui dreto, logo fazê, genete corn starch, cuscurão, bicho bicho, bolo chocolate e manteiga, assi já gasta tres dia de féria de Natal.
Amigu amigu de iou sa mãi nádi isquecê de nosotro, sã Angela, António Dias co su esposa Ana Maria que já trazê pa nos bolo, chocolate, fruta e más ancuza, iou tamêm dá pa l’ outro unchino de genete corn starch e bolo qui iou já fazê sem mestre na iou sa lado pa prova.
Bom dessa iou cáva bafo di áde, bota na nosso blog juntado co istunga iscrita unga receita, sã FARTI, ancuza simbolizâ na Natal almofada de nino Jesus.
Receita
Farinha de trigo um cate
Gema de ovos seis
Manteiga fervida quatro taeis
Pinhão (Lam Ngan) ou amêndoa ao gosto
Coco grande um
Açúcar oito taeis
Para coco pequeno
Açúcar seis taeis
Bolacha marinheiro ou soi pou pén depende do tamanho
Flor de noz moscada (Ioc Kao) meia colher de chá
Água de sal
Preparação
Cozê coco ralado, açúcar co bolacha pilado pa fazê recheio, fazê rolo.
Massa farinha co gema de ovo e águ de sal.
Massa bem feto, istendê, 2 a 3 inch de largo, chipi dos lado pa fica más fino.
Bota recheio rolo cima de massa, ficha rolo cola massa de lado fino, fazê flor no dorso do rolo co garfo, corta tamanho ao gosto.
Bota vâi forno cozê
Tempo e temperatura, depende de forno, Quele qui iou já usa pa fazê sã antigu, nom tem termómetro, somente na receita papiá sã fogo brando e azul (forno de petróleo).

Istunga áno sã tardi pa exprimentâ ia, vosotro podi tenta fazê no ano qui vêm..
Sã assi tánto ia, Bon Festa pa tudo gente.
Tudo di bom.
Filipe Rosário

MiguelSF disse...

Filipe e Mana Gina

Qui bom olâ vosotro tornâ iscrevê na estunga blog. Iou co Chan Mong Kat já sintí qui nom-tem chiste, onçom qui onçom ta iscrevê pa ninguim olâ...

Primero di tudo iou desejâ pa vosotro dôs co tudo maquista-maquista unga bom Natal e unga Ano Novo ainda más bom. Largâ tudo pensâm pa trás, pa vivo unga novo vida na Ano Novo, co paz, filicidade co saúde.

Natal sâm tempo pa tudo nos tudo sossegâ na companhia di tudo nos-sa amigo-amigo. Nuncassá festa grandi, nuncassá jantarada. Somente bom amizade sâm basta-ia!

Iou oferecê pa vosotro unga letra de música qui iou já iscrevê na ano 1994, qui iou bem-di gostâ.


FELIZ NATAL PA VÔS

Istrêla-istrêla vêm pa alegrá.
Lua tamêm vêm festejá.
Sã anôte,
Tudo gente cantá
“Feliz Natal co Paz pa vôs”.

Tudo casa têm bonito árvi di Natal,
Pisépio fêto co amôr.
Cadacê,
Unga véla sandê
Pa desejá feliz Natal

Quiança-quiança ta iscutá
Quelóra Pai Natal co brinco lô chegá
Quanto sonho qui vôs já sunhá
Hôji sã dia qui vôs já isperá

Natal sã ’nôte pa nôs sossegá
Nuncassá disesperá
Estunga anôte
Né-bom ’squecê cantá
“Feliz Natal pa võs”!

(Melodia: "The Christmas Song")


Sâm assi-ia!

Bom festa pa vosotro tudo. Ucho!

Miguel

Rogério disse...

Nunca bom ficã sentido. Eu ui de apreciã quando ouvi Macaista falã ou escrevê, eusã coração jã abri de nôvo. Continuã sempre com proeza de vosotro tudo que eu achã muito entretido.
Também querê desejã vosotro tudo, unga Feliz Natal e um Ano Novo, cheio de felicidadi, saúde qui sãm muito importanti d'hoje em dia e petiscã mais empada também!
Unga chi do coraçam,

zinha disse...

Bom festa pa tudo genti amigu e tudo di bom pa otro ano .... diveras tempo ta voâ azinha-azinha nosostro jâ virâ uidi velô-cong.
Nom san nom querê botâ iscrita nestunga blog tao quirido, somente nom tem tempo pa rispirã.
Miguel, vos pensã nosotro tem sorti di bucâ tudo ancuza di comizaina na Riquexó? Querê comê bicho-bicho, coscurão, empada, cake e tudo comizaina di Macau? Cuza fazê ... tem qui botâ man pa amassâ, chipi, ferra na óleo quente-quente ... vem consoada tudo genti falâ "qui saburoso" mas iou-sa cabeça vira qui vira e olô jâ ficâ ca-cai-ia.
Bom, iou somente pódi falâ pa vosotro sossegâ-ia.... nancassá isperâ tanto .... I will be back!
Ucho grandi-grandi pa vosotro!
Zinha

GinaB disse...

Oi Majão!
Qui Nova? Iou ui-di contente bispâ Blog di Patuá co iscrita novo novo.
Sã assi memo, nunca bô fica parado. Tudo genti papiâ patuá como sábi. Nádi envergonhâ naçám, sã nunca?

Oi Filipe!
Iou já guardâ receita di farti pa fazê na Natal di 2010. Qui saudadi di Natal di antigamente. Impada, alua, coscorám, cake, barba Santa Claus, Tacho, lacassá, etc.

Sorti iou têm unga grandi amigu qui ofertâ GENETE, CAKE pa iou-sa família comê, juntado com alua qui iou já trazê di Macau comprado na loja di Moosa.
Quele modo passá Natal si nom têm laia-laia ancuza pa entafulâ?

Iou juntá rancho, conversá, passa consoada, nom têm luz, cacada ri, somente vela mas têm unga cento pitisquéra qui tudo lambê beço di saboroso. Iou ta matâ saudadi di nos-sa tempo di Macau mas tem unga cento di saudade di passa co iou-sa família Badaraco tamém.

Sã divéra Zinha, amassa non sã ancuza fáci. Iou isperâ qui vos têm sempre tánto-tánto força pa fazê tudo laia-laia ancuza dóci di Natal

Miguelito,
Iou ja bispa na livro di cara (facebook) e olâ unga retrato chapado co vos- sa pai, nos-sa quirido professor e já fica divera contente. Fala pa ele qui iou já manda beijinho-beijinho e bo melhor pa ele.
Obrigado Miguel iou ui-di gostâ destunga cançám di Natal di vosotro.
Logo iou já vai pedi API pa ajuda nosotro.

Qui bom vos continua iscrevê na Blog. Nos-sa Amigu Chan Mong Kât têm na ondi?

Rogério, qui bom vos bota iscrita na nos-sa Blog di Patuá. Voltâ sempre tá bem?

Uvi genti, ta falta somente 4 dia pa chega Ano Novo. Nebom esquecê di batê tacho pa manda Savam embora, na nôte di 31 pa 1 di janero, na janela. Pa nos-sa vanda tudo laia-laia di genti batê batê.

Bem, sã assi iá.
Ucho-ucho
GinaB

Luis Machado disse...

Bom ano Buniteza di GinaB
Io ui di longi di nossa tera! Aqui ui di galanti tudo genti papia kopkunka e ka para estunga vanda ka para outrunga vanda com massage pa ka pao Kin kao e Happy New Year san siam certo vos logo adivinha! Bom ano para tudo vanda! Iou tem na ilha di elefanti!
Uxo ui di grandi di vosso Alui!

GinaB disse...

Bo ano amochai Alui,

"aroi mea, kopkunka!"
"Im laaeo"
:):) :) :)
Ja ficâ fei-chai di tanto entafulá tudo laia-laia di comizaina nestunga ilha di alifanti?

Saúde, sapeca co tudo bo pa vos e vos-sa familia.

Uchos-uchos
GinaB

GinaB disse...

Genti!
Kung Hei Fát Chói
San Nin Fái Lok
Man Si Yu Yee
San Chong Lek Kin
Sôi Sôi Pêng Ón Fu Kuai

Chói Sân Tou la!!!!!!!!
Uchos - GinaB

Zinha disse...

Pa tudo amigu-amigu:

Kung Hei Fát Chói
Lôn Má Chên Sân
Sân Thâi Kin Hón
Pôu Pôu Kou Seng
Sâm Séong Si Sêng

sã assi na lingu maquista:

Sapéca sapéca azinha jâ vem
Más fórti qui nem caválu
Saúdi di féru (non sã féru-vêlo)
Subi-subi tenga prumuzan
Pensã cuza ..ancuza lôgo tem

Ucho grandi,
Zinha/Joel

sí siu CHé disse...

我 在此 向大家 拜年 :

祝大家 :

新 年 快 樂
恭 喜 發 財
大 古 大 利
平 平 安 安
步 步 高 星
幸 福 美 滿

澳門居民 disse...

Aleluia, Aleluia. Unga blessed Pascoa co tanto ovo-ovinho pa vosotro genti-genti.

GinaB disse...

Bô Pascoa Genti!
Uchos
GinaB

MiguelSF disse...

Genti,

Bô Pascoa pa tudo vosotro, inchido di saúdi co tudo ovo-ovo pa comê. Iou falá "comê", nunca "chupâ"...

Estunga blog ta unchinho murchado. Ninguim tem tempo pa botâ escrita-sa. Sâm tem qui sacudi priguiça, fazê esforço pa continuâ co estunga blog, sâm nunca?

Sâm assi-ia!

Miguel

Filipe Rosário disse...

Como ta vaî vosotro tudo, tá bom?
Hoze sã dia de Páscoa, dessá iou cumprimentá vosotro tudo a laia antiga de nosotro sa tempo ia.
Aleluia, Aleluia, Aleluia!
Páscoa já fazê lembrá qui nosso máno vélo já saî de morto, ressuscita e subi vaî riva céu.
Óntem de noite iou ja vaî greza pa Vigília Pascoal, chega greza j’ola qui tem somente unchinho gente, chega hora ta vem más, greza nádi ficá inchido como tempo antigu.
Ngau sok co ngau pó ta piapá sã automóvel qui fazê gente vaî paxa nunca vem greza, l’otro papiá sã ladroagem qui fazê gente mede nádi saî noite fora, iou sentí que sã ladroagem, cuza tamêm bom ia.
Vigília Pascoal sã cerimónia juntado co missa úndi tem tudo ancuza, benção de fogo de águ juntado co renovação de batismo, tem leitura qui papiá começá mundo, já falá Abrão, já papiá Moisés co unchinho de tudo pa nosotro lembrá religião.
Chega hora de renova batismo, padre já fazê iou lembra isntuga propaganda de sabão em pó na tempo de ano sessenta, poupa águ poupa força, sacudi pouco águ benta.
Ferado iou nádi inspirado pa iscrevê, nádi saî más ancuza.
Tudo di bom pa vosotro tudo, Bom Páscoa, Aleluia!
Filipe Rosário

Miguel S Fernandes disse...

Filipe

Quelóra iou lembrá di Páscoa, sâm logo lembrá di quinta-fêra santa. Sâm dia di corê-gréza. Mas tamém sâm dia di tudo nôs rapaz co rapariga vai namorâ. Iou quelóra piquinino tá vivo na vánda di S. Lorenço. Assim, primêro sâm vai pa Capela di Carmelita, cavâ dessê vai S. Lorenço, cavâ Sto Agostinho, Sé. Cavá, discanso (iou qui bom cristám, sâm nunca!?).
Cavá discanço tornâ andâ, vai pa S. Domingo, S. Lázaro. Cavá....ai disgraça-ia. Sâm andâ até Fátima!! Unga calvário, divéra.
Mas pensâ bem-fêto, si vôs andâ juntado co unga bonitéza, quele-modo ficâ cansado??

Sâm assi-ia!

Miguel

macau-amo-noi disse...

Uví Sium Dotor Miguel,
iou jâ levâ tudo iou-sa velha cha-cha vai olâ vos-sa "Saboroso Nunca ?" . Mas iou sintí qui sã bom vôs pensa botâ tudo laia-laia di récita na DVD... assi, nos podi ri, lembrâ, e genti jóvi podi aprendê... sã bom nunca ?

Filipe Rosário disse...

Hello como ta vaî vosôtro tudo?
Sã iou Filipe Rosário, vem papiá unchinho

Qui século iou nádi iscrevê ancusa pa vosotro olá ia.
Hoze dessá iou dá parabéns pa nosotro sa site GENTEDEMACAU que fazê três ano amanhã. Hoze porque amanhã iou tem siviço nom podi iscrevê cedo.Leão Tong Chám
Nosotro sa site sã bem de prestado, serví pa tudo gente de Macau dentro e fóra de
Macau pa comunica, póde chapa foto, chapa música, ôlá jornal, dá receita pa tudo gente, tem receita de comizaina macaísta, china, ngau sok, tem link de quase tudo.
Iou já pedi receta de tai long kou, ancuza que iou nádi comê há seclórum ia, lembra há oito ano fora comprã na loja de Sacavém unga tai long kou pichotito, custá cinco euro fora, nádi consegui comê, hoze comprá amanhã vira tudo mofado.
Gente de bom coraçám já mandá tánto receita receita co vídeo juntado, nádi botá su nómi, divéra saiam, iou nádi pódi agradecê.
Iou já prepara tai long kou e outra ancuza pa comê, saî bem feto, divera saboroso, já mata saudade.
Na tempo antigu china china papiá tai long kou ui de difícil fazê, trabalo qui nom podi más, sã cocús de manhã pa noite somente pa um, sã pantominice, divera sã nádi ensina pa vôs, divéra sã unga instante fazê ia, somente cocus unga hora.
Bom gente de Macau logo qui incontrá iou na Portugal, chomá iou iscrevê más ancuza em patuá, botâ más foto na site qui está unchinho moribundo, iou tamêm já pedí ilotro colabora, iou ongçong úndi vai arranja tánto ancuza chapa na site pa ficá vivo, iou tem foto, iou pódi bota na iou sa cantinho, tem vídeo, iou nom pódi bota na site, iou nádi tem acesso, quim querê bispá iou sa vídeo pódi vai ôlá na facebook, facebook iou pódi botá iou sa vídeo, nosotro sa site iou nom podi chapa nadi más que foto e iscrita.
Semana de Macau em Lisboa iou já vaî Rossio, já fazê quanto vídeo de leão tong chám, já batê foto qui iou já chapa na riva de istunga página.
Dessa iou dá mais unga vez Parabéns, 3º Aniversário do site gentedemacau.com.
Bom sorte bom saúde e parabéns pa tudo PCBistas e Gente de Macau
Sã assi tánto ia
Filipe Rosário

Ju disse...

Hi Filipe,
Iou já ôla estunga Leão Tong Cham. Qui boniteza!
Ui di saiang vôs nom pódi bota vídeo na site. Falá com Alberto.
Ucho pa vôs

GinaB disse...

"Parabém sâm pa vôs,
N'stunga dia quirido
Muto felicidade
Co ano-ano di vida
Hoze sâm dia di festa
Nôs co alma cantâ
Pa quirubim PCB
Unga salva di palma"
Uchos-uchos
GinaB
---
Sr. Administrador cuza nunca botá istunga musica pa uvi? Sã dia di Festa, ta isquecê ia??
Azinha, azinha,

GinaB disse...

Genti,
Ano velo ta vira costa ia, ano novo azinha azinha ta intrá
Nunca bom intrá co pê azarento pa tropeça.
Iou deseja vosotro unga Ano inchido di paz, tanto tanto amô, bondade, luz, saúde e sapeca.
Ucho ui-di grandi
PS: Uvi estunga blog murum qui murum, cuza ta acontecê? MIGUEL, FILIPE, FAUSTO, SI SIU CHÉ, JULIA, ZINHA, AMO-NOI, CANHOTA, etc.etc.??? assi non tem chiste.

macau-amo-noi disse...

Sang, sang. unchinho murum. genti falâ qui sang di tanto-tanto festa, na istunga epoca. iou falâ VCC (vai chéra corda) ! botâ unga frase, non precisa asi tanto tempo. iou sintí qui sang tamén unchinho di preguicite aguda na más.
Nunca bom falâ pa iou qui sang "idade", NÁDI sang. Nos-sa coracam uidi jovi. Vem botâ ancuza ia.

macau-amo-noi disse...

Tornâ sang iou. Qui ramede, ja isquece ancuza : unga Ano Novo co tanto-tanto Saude, Paz e tudo di más bom, pa nos-sa Buniteza co Amochai di PCB.

Filipe Rosário disse...

Logô logô tem chiste, iou justo cava chega Portugal, dessa iou senta unchinho, logo bota ancuza na site.
Iou féria na Macau iou nom tem internet, sã assi ia.
Vosotro querê ola ancuza, vídeo de macau pódi vaî bispa na facebook qui iou já botá quanto ia. Bom ano pa tudo gente
Filipe Rosário

Zinha disse...

Vosotro tudo tá bom? Qui tantu tempo nádi botâ iscrita .... somente causa tudo genti ta vai quirida Ou-mun pa Encontro. Nos tamem justo cava chegâ .... BA nádi pódi fazê con istupor di neve, fazê nosotro tudo tremê di medo, jâ passâ Natal na Londres bem di animado.
Qui bon ja volta pa casa, pinchá tudo fora-ia, ano novo sã vida nova, tudo genti vai botâ más papiaçam nestunga blog pa alegrâ unchinho, uvi nunca?
Bom Ano 2011 pa tudo genti amigo!
Zinha e Joel.

Ju disse...

Feliz Ano Novo para tudo vosotro.
Ucho ucho

http://www.youtube.com/user/danylls#p/a/u/1/ZXTmhFbD6D0 disse...

iou ja achâ istunga poema, sa logo botâ naqui pa vosotro uví.

Api disse...

Kung Hei Fat Choi!
Bo ano di coelho pa vosotro.
Abraço - Api

macau-amo-noi disse...

Feliz Dia Internacional da Mulher pa Tudo Nhonha-Nhonha di PCB. Grande Ucho pa vosotro.

PCB - Partido dos Comes e Bebes (GenteDeMacau) disse...

PARA TODOS:
A Associação dos Macaenses irá organizar um Colóquio sobre a Comunidade Macaense nos próximos dias 27 e 28 de Outubro de 2012 nas instalações da Escola Portuguesa de Macau.

Será feita uma reflexão da Comunidade sobre ela mesma nos seus mais variados aspectos: a sua identidade, o seu bem-estar, a sua posição sócio-política no contexto da RAEM, as suas perspectivas e os desafios que se colocam no presente e no futuro.

Constituído em três painéis de discussão, o Colóquio debruçar-se-á sobre as seguintes questões nas datas previstas, havendo no final de cada um dos painéis um debate público:

Identidade – 27/10/2012 – das 10H00 às 13H00

Economia – 27/10/2012 – das 15H00 às 18H00

Política – 28/10/2012 – das 15H00 às 18H00

PAINÉL I – IDENTIDADE

Neste painél, serão abordados:

– Os critérios tradicionalmente utilizados para a nossa identificação: a religião, a língua, o binómio português-chinês e outros factores relevantes;
– A noção do Macaense:
– A importância da língua portuguesa como factor determinante da nossa identidade;
– A relevância da nacionalidade na determinação da Identidade Macaense:
– A educação e os seus reflexos na Identidade Macaense:
– A importância da identidade para as novas gerações, principalmente as nascidas após 1999:
– A falta de comunicação inter-geracional na questão da Identidade Macaense.
– A degradação de bairros tradicionais e de referências arquitectónicas, bem como as suas consequências; e ainda
– A Diáspora Macaense nos diversos países do Mundo.


PAINÉL II – ECONOMIA

Serão abordados:

– A qualidade de vida da Comunidade Macaense;
– A imagem tradicional do macaense como funcionário público e o seu papel no contexto sócio-económico de RAEM;
– No contexto da política externa da RPC, o papel da Comunidade Macaense nas suas relações com os Países de Língua Oficial Portuguesa; e
– A utilização da Língua Portuguesa no actual contexto político, económico e social.

PAINÉL III – POLÍTICA

Serão abordados entre outros:

– O estatuto sócio-político da Comunidade e seus interesses políticos;
– A Comunidade Macaense e os seus lideres;
– O papel da nacionalidade no estatuto político da Comunidade;
– A Política sentida no seio da Comunidade e seus reflexos;
– Constituição de associações cívicas da Comunidade;

Anónimo disse...

Insightful and inspiring. Saunas have numerous perks. I choose to attempt it. Exactly where to go?  saunajournal.com